RIPOTI YA UMASIKINI WA WATOTO KUZINDULIWA ZANZIBAR

Ofisi ya mtakwimu mkuu wa Serikali Zanzibar imezindua ripoti ya umasikini wa watoto inayoonesha watoto wenye umri wa chini ya miaka 18 katika meneo ya vijijini bado wanaishi katika hali ya umasikini zaidi.

Ripoti hiyo inayotokana na taarifa ya utafiti wa mapato na mtumizi ya kaya ya mwaka 2014/2015 imeangalia viashiria vya afya, chakula, elimu, maji, makaazi na upatikanaji wa habari kwa watoto ambapo kaya zinazoongozwa na wanawake ni masikini zaidi kulinganishwa na zile zinazoongozwa na wanaume.

Akizundua ripoti hiyo naibu Katibu Mkuu Wizara ya fedha na mipango Iddi Haji amesemamatokeo hayo yatasaidia sekta husika kutathmini utekelezaji wa mipango kuhusu upatikanaji wa huduma bora kwa makundi yote ya jamii.

Akizungumzia kuhusu uzinduzi wa ripoti hiyo mtakwimu mkuu wa Serikali Bi Mayasa Mahfoudh amesema taarifa hizoza hali ya umasikini wa watoto umetokana na mahitaji ya uchambuzi wa taarifa zilizokuwemo katika  ripoti ya jumla ya utafiti huowa mapato na mtumizi ya kaya ya mwaka 2014/2015.

Mwakilishi wa shirika laUNICEF walisaidia kuandaliwa kwa ripoti hiyo Bi Maha Damaj amesema utafiti umebaini kiwango cha umasikini unatofautiana kwa mujibu wa umri wa watoto.

Comments are closed.

error: Content is protected !!