Blog

SERIKALI YA UJERUMANI KUENDELEA KUIUNGA MKONO ZANZIBAR KATIKA KUENDELEZA MIRADI YA MAENDELEO

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi ameipongeza Serikali ya Ujerumani kwa utayari wake wa kuendelea kuiunga Mkono Zanzibar katika kuendeleza Miradi ya Maendeleo.

Rais Dk. Mwinyi aliyasema hayo leo Ikulu Jijini Zanzibar wakati alipokutana na kufanya mazungumzo na Balozi wa Ujerumani nchini Tanzania  Bi Regine Hess.

 Katika mazungumzo hayo, Rais Dk. Mwinyi alimueleza Balozi Hess kuwa azma ya Serikali ya Ujerumani ya kuendelea kuisaida Zanzibar katika kuendeleza miradi ya maendeleo itasaidia kwa kiasi kikubwa kuyafikia malengo yaliyowekwa.

Rais Dk. Mwinyi alisema kuwa Serikali ya Mapinduzi ya Zanzibar pia, inathamini sana mashirikiano yaliopo kati yake na Serikali ya Ujerumani na hatua yake ya kuendelea kuiunga mkono Zanzibar katika sekta ya afya ambayo itandelea kuletea manufaa makubwa kwa wananchi wa Zanzibar.

Alisema kuwa azma ya Serikali ya Ujerumani ya kusaidia uendelezaji wa mradi wa maji safi na salama pamoja na mitaro ya maji taka katika eneo la Mji Mkongwe itasaidia katika kuuweka mji huo katika hadhi yake inayotajika sambamba na kuwapelekea wananchi kupata huduma hizo ipasavyo.

Alifahamisha kuwa Serikali ya Ujerumani kwa muda mrefu imekuwa ikiisaidia Zanzibar katika kuimarisha na kuendeleza sekta ya afya  hapa nchini ikiwa ni pamoja na kuzisaidia hospitali ya Abdalla Mzee Pemba na Hospitali ya Kijeshi ya Bububu.

Hivyo, Rais Dk. Mwinyi alieleza kwamba mbali ya Zanzibar kusaidiwa katika kuendeleza miradi katika sekta ya afya ni vyema ikasaidiwa katika uendelezaji miundombinu na mifumo ya afya pamoja na uendelezaji wa rasilimali watu ili kuwe na tija endelevu ya misaada inayotolewa.

Aidha, Rais Dk. Mwinyi alitumia fursa hiyo kuwakaribisha wawekezaji kutoka Ujerumaini kuja kuekeza Zanzibar kwa kutumia fursa zilizopo hasa kupitia sera yake ya uchumi wa buluu kwani ndani yake mna mambo mengi ya kuekeza yakiwemo utalii, uvuvi, mafuta na gesi pamoja na kuzitumia rasilimali nyengine za bahari.

Katika sula zima la uwekezaji, Rais Dk. Mwinyi alisema kuwa Serikali ya Awamu ya Nane, tayari imeshaweka mazingira mazuri kwa wawekezaji na iko tayari kuwapokea.

Sambamba na hayo, Rais Dk. Mwinyi alieleza haja kwa Serikali ya Ujerumaini kuiunga mkono Zanzibar katika mapambano dhidi ya maradhi ya COVID 19 ambayo yameikumba dunia nzima.

Mapema, Balozi wa Ujerumani nchini Bi Regine Hess, kwa upande wake alisema kuwa Zanzibar na Ujerumani zina historia kubwa ya mashirikiano hivyo Ujerumani itayaendeleza mashirikiano hayo kwa kuiunga mkono Serikali ya Awamu ya Nane katika kuendelza miradi iliyojiwekea.

Balozi Hess alimueleza Rais Dk. Mwinyi kwamba Serikali yake iko tayari kuiunga mkono Serikali ya Mapinduzi ya Zanzibar  katika kuimarisha miradi ya maendeleo ikiwemo huduma za maji safi na salama pamoja na mitaro ya maji taka katika Mji Mkongwe wa Zanzibar.

Aliongeza kuwa Mji Mkongwe wa Zanzibar una mashirikiano mazuri na Serikali ya Ujerumani kwani miradi kadhaa ya miundombinu yake imetekelezwa na nchi hiyo.

Aidha, Balozi Hess alisema kuwa kwa upande wa Sekta ya afya Serikali ya Ujerumari iko tayari kuendelea kuiunga mkono Zanzibar katika kuimarisha sekta hiyo hapa nchini.

Balozi Hess pia, alimuhakikishia Rais Dk. Mwinyi kwamba juhudi za makusudi zitachukuliwa na Ubalozi huo katika kuitangaza Zanzibar kiutalii ikiwa ni pamoja na kuwaleta wawekezaji kutoka Ujerumani kuja kuekeza hapa Zanzibar.

Katika mazungumzo hayo Balozi Hess alimueleza Rais Dk. Mwinyi kwamba kutokana na Zanzibar kujaaliwa kuwa na viungo ambavyo ni miongoni mwa vivutio vya kitalii, hatua za makusudi atazichukua katika kutafuta soko nchi Ujerumani.

Sambamba na hayo, Balozi Hess alimpongeza Rais Dk. Mwinyi kwa juhudi zake za makusudi alizozichukua za kuhakikisha Serikali ya Umoja wa Kitaifa inamarika na kuleta manufaa kwa nchi na wananachi wa Zanzibar.

Pia, Balozi Hess alieleza kwamba hatua hizo alizozichukua Rais Dk. Mwinyi ni za kuungwa mkono kutokana na azma yake ya kuendeleza amani, umoja na mshikamano miongoni mwa wananchi wa Zanzibar sanjari na kuieletea Zanzibar maendeleo endelevu.

 

 

JAMII IMEHIMIZWA KUCHUKUA TAHADHARI DHIDI YA MARADHI YA CORONA

 jamii imehimizwakuendelea kuchukua tahadhari ya kujikinga na maradhi ya corona ili kupunguza kasi ya maambukizi.

akizungumza wakati wa uzinduzi wa mradi wa vitakasa mikono mkuu wa mkoa wa mjini magharib idrissa mustafa kitwana amesema jamii inapaswa kutambua kuwepo kwa maradhi ya mripuko ambayo yameenea kwa kasi duniani na kusababisha watu wengi kupoteza maisha.

makamo mkuu wa chuo kikuu cha Zanzibar SUZA dkt Zakia Mohd Abuu-bakar amesema ni jambo jema kwa mradi huo kufikishwa chuoni hapo kwani utawasidia Wanafunzi kuendelea kujikinga na maradhi ya Korona na kuimarisha usafi wa mazingira.

Kaimu Mkurugenzi Water Aids Tanzania Gasper mdee amesema Taasisi hiyo itahakikisha inasaidiana na Serikali kudhibiti kuenea kwa maradhi hayo licha ya kukutana na matatizo mingi katika jamii ikiwemo ukosefu wa elimu pamoja na kutoelewa umuhimu wa matumizi ya vitakasa mikono.

UWEZO WA MADAKTARI WA TANZANIA UNAWEZA KUOKOA FEDHA ZINAZOTUMIA SERIKALI KUSAFIRISHA WAGONJWA

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi amesema katika kukabiliana na uhaba wa Madaktari bingwa wa magonjwa mbalimbali, timu za madkatari wa ndani wachukue jukumu la kusaidia matibabu badala ya kutegemea kuwasafirisha nje ya nNhi.

Dk. Mwinyi amesema uwezo wa Madatari waliopo Tanzania unaridhisha hivyo kwa kushirkiana wanaweza kusaidia kumaliza tatizo hilo na kuokoa fedha nyingi inazotumia Serikali kuwapeleka Wagonjwa  wa Nje ya Nchi.

Rais wa Zanzibar amesema hayo wakati akifungua mkutano Mkuu wa 20 wa chama cha Madaktari wa upasuaji Tanzania uliofanyika Madinatul Bahar Mbweni, ambapo amesema katika  kipindi cha mwaka julai 2019 hadi sasa, Wagonjwa waliopelekwa nje ya Zanzibar kwa matibabu ni zaidi ya mia tisa na 60 na kutumia kiasi cha shilingi bilioni kumi na moja nukta saba.

Aidha Dk. Hussein Mwinyi amesema Serikali inalizingatia suala la kuimarisha maslahi ya Madaktari ili waendelee kuwahudumia wagonjwa badala ya kukimbilia katika vitengo kwa ajili ya kupata maslahi zaidi na kuasimamia upatikanaji wa vifaa tiba na Maabara.

Wakielezea matatizo yanayowakabili Madaktari wa upasuaji, Mwenyekiti wa chama cha Madaktari wa upasuaji kanda ya Zanzibar dk. Yunus Pandu Buyu amesema licha ya matatizo yaliyopo, Zanzibar imeongeza uwezo wa kufanya upasuaji wa maradhi mbalimbali kutokana na kuongeza wataalamu wakada hiyo kufikia 18 na kuishauri serikali kuandaa bajeti maalum kwa ajili ya vifaa tiba huku rais cha chama hicho Tanzania dk. Catherine Mng’ong’o ameomba kuongezwa ufadhili wa masomo kwa Madaktari wa upasuaji Nchini.

Waziri wa afya ustawi wa jamii wazee jinsia na watoto Mh. Nassor Ahmed Mazrui amesema Serikali inayafanyia kazi matatizo yanayowakabidhi madaktari hatua

makubwa yamefanyika kwenye sekta ya afya hasa katika Hospitali kuu ya mnazimmoja katika kutoa huduma.

Mkutano huo wa siku mbili umehudhuriwa na wataalamu zaidi ya mia moja na hamsini wa Afya kutoka Tanzania.