Blog

MAOFISA WATAKIWA KUTOA MAAMUZI YENYE MASLAHI KWA MAENDELEO YA UWEKEZAJI NCHINI.

Kamati  ya  fedha biashara  na kilimo  ya  baraza la  wawakilishi  imesema  imefarijika  kuanzishwa kwa kitengo  cha  kutoa  huduma kwa  wawekezaji  na wafanyabiashara  ili  kurahisisha  upatikanaji w huduma  kwa  wawekezaji  wa  ndani  na  nje  ya  nchi.

Akiwasilisha  maoni  ya  kamati  yake  kuhusiana na  mswada wa sheria  ya kufuta  sheria  ya  ukuzaji  na  kulinda  vitega uchumi  zanzibar  amesema mswada  huu umeletwa  katika  wakati  muafaka   ili  kuendana na mageuzi  ya  kiuchumi   kutoka  wa  kutegemea  kilmo  hadi  uchumi  wa viwanda   kupitia  wawekezaji tofauti.

Amesema  kamati  imeishauri  wizara au taasisi   zinazopaswa  kushughulikia  kitengo  hicho   kuwa  na  maofisa  wenye  uwezo   wa  kutoa maamuzi  yenye  maslahi kwa  maendeleo  ya  uwekezaji  nchini.

Wakichangia  mswada  huo  wajumbe  wa  baraza  hilo wamesema uwepo wa  mswada  huo utawezesha kuondokana na urasimu  wa  ufuatiliaji  wa  huduma katika  ofisi  mbalimbali  kunakopelekea  kuwavunja moyo  wawekezaji  kuwekeza miradi  yao hapa nchini.

WADAU WANAOPAMBANA NA MATUMIZI YA MADAWA YA KULEVYA WATAKIWA KUWEKA KUMBUKUMBU SAHIHI

Afisa mdhamini ofisi ya makamo wa pili wa rais ali salum mata amewata wadau wanaopambana na matumizi ya madawa ya kulevya kuweka kumbukumbu sahihi ya vitu wanavyivikamata pamoja na kesi zake ili kujua ukubwa wa tatizo hili.

mdhamini mata amesema hayo ofisi za mkurugenzi wa mashtaka chake chake kwenye kikao cha kujadili changamoto za matumizi ya madawa ya kulevya na nini kifanyike, kilichowashirikisha maafisa kutoka zaeca, dpp na polisi.

mkurugenzi wa tume ya kitaifa ya kuratibu na kudhibiti madawa ya kulevya zanzibar kheriyangu mgeni khamis amesema hatua ya kukutana na wadau hao itasaidia kubuni mbinu zitakazoweza kuepusha changamoto dhidi ya tatizo hilo.

wadau wa mapambano hayo walipata nafasi ya kutowa maoni yao.

USTAWI WA SEKTA YA KILIMO UTASAIDIA KUINASUA TANZANIA

Naibu waziri wa viwanda biashara na uwekezaji mhandisi stela manyanya amebainisha hilo katika mkutano wa wadau wa kilimo na viwanda uliyofanyika jijini dar es salaam ambapo amesema ustawi wa sekta ya kilimo utasaidia kuinasua tanzania kutokana na changamoto ya kuagiza bidhaa kutoka  nje .

Amebainisha kuwa dhamira ya serikali ya kufufua viwanda vilivyokufa na kuanzisha viwnada vipya inalenga kutumia malighafi za kilimo za zinazozalishwa hapa nchini.

Mkurugenzi wa jukwaa la wadau wa sekta ya kilimo (ansaf) audax rukonge amesema ili kufikia adhma ya uwekezaji katika sekta ya viwanda ni vyema kuwa na namna bora ya kuwasaidia wazalishaji wadogo katika sekta ya miundominu ya maji, nishati na barabara ili uwekwzaji uweze kuleta tija.

Mada mbalimbali ziliwasilishwa katika mkutano huo wa siku2 ulioandaliwa na jukwaa la wa sekta ya kilimo ansaf umewakutanisha wadau wa sekta za kilimo na viwanda.

error: Content is protected !!