Blog

NAIBU WAZIRI AKABIDHI VIFAA KWA KIKUNDI CHA TAIFA CHA TAARAB

Naibu Waziri wa Vijana Sanaa Utamaduni na Michezo Lulu Msham Abdalla amesema Wizara yake itahakikisha kikundi cha Taifa cha Taarab kinafanya kazi zake vizuri ili kuendelea kukuza sanaa ya Muziki wa Tarab Visiwani hapa.

Amesema asilimia kubwa ya wananchi wa Zanzibar katika mkiaka ya zamani walikuwa ni wapenzi wa muziki wa Tarab Asilia kama ilivyokuwa wakazi wa Tanga na Mombasa na kwamba Serikali inataka hali hiyo iendelee kuwa hivyo

Naibu waziri huyo ameyasema hayo wakati akikikabidhio kikundi cha Taifa cha Taarabu  na kusema wiraza yake imekitayarishia bajeti kikundi hicho kiliochosheheni waimbaji machachrii na wacharaza alla makini.

Amesema katika kuhakikisha kikindi hicho kinaimarika zaidi kitashirikishwa katika matamasha mbali mbali ya muziki ndani na nje ya nchi.katibu wa kikundi hicho pamoja na msanii Profesa Moh’d Iliyas wametowa shukrani kwa Serikali ya Mapinduzi ya Zanzibar kwa kuweza kuwajali wasanii wa hapa nchini.

Mshauri wa Rais Sanaa na Utamaduni Chimbeni Kheri amesema wasanii wa kikundi cha taifa wanatoka katika vikundi mbali mbali hapa Zanzibar hivyo amewataka kuzidisha umoja na mashirikiano katika uwendeleza muziki wa taarab asili.

Naibu Katibu wa Wizara ya Vijana Sanaa,Utamaduni na Michezo Amour Hamil ameseama katika bajeti ya mwaka 2019/2020 watahakikisha wizara kukiendeleza zaidi kikundi hicho kwa kukipatia vyombo vya muziki .

BALOZI SEIF ALI IDDI KUUAGIZA UONGOZI WA WIZARA YA AFYA ZANZIBAR KUWASIMAMIA WATENDAJI WAO

Makamu wa Pili wa Rais wa Zanzibar Balozi Seif Ali Iddi ameendelea kuuagiza uongozi wa wizara ya afya zanzibar kuwasimamia watendaji wao kufanyakazi katika Hospitali na Vituo vya Afya vilivyopo Kisiwani Pemba.

Amesema wakati umefika kwa Viongozi wa Wizara hiyo kuacha tabia ya kuwabeba Wafanyakazi wanaotaka uhamisho wakati uajiri wao wa kazi kwa mujibu wa Mikataba yao na Sheria za Utumishi wa Umma uko Kisiwani pemba.

Balozi Seif Ali Iddi alitoa agizo hilo Afisini kwake Vuga Mjini Zanzibar wakati alipofanya mazungumzo na Uongozi wa Wizara ya Afya Zanzibar ulioongozwa na Naibu Waziri wa Wizara hiyo Mh. Harus Said Suleiman ulipofika kumpa Taarifa ya masuala mbali mbali yaliyochukuliwa hatua katika vitengo vya Wizara hiyo.

Alisema haipendezi kuona baadhi ya Watendaji wamesomeshwa na Serikali kwa gharama kubwa kwa lengo la kuwahudumia Wananchi lakini badala yake huamua kuchagua maeneo ya Kufanya kazi jambo ambalo Serikali Kuu haitakuwa tayari kuona linaendelezwa.

Hata hivyo Makamu wa Pili wa Rais wa Zanzibar ameupongeza Uongozi wa Wizara ya Afya pamoja na Wafanyakazi wake kwa jitihada kubwa unazochukuwa za kukabiliana na changamoto zinazowakabili ambazo wakati mwengine huleta usumbufu kwa Jamii.

Mapema Katibu Mkuu Wizara ya Afya Zanzibar Bibi Asha Ali Abdulla alisema Uongozi wa Wizara hiyo umejianza kujiwekeza utaratibu wa kujenga Utamaduni wa kutoa Taarifa ya mambo mbali mbali yanayotekelezwa na Wizara hiyo ili jamii ielewe kinachofanyika kila hatua.

Bibi Asha alisema mfumo uliopo hivi sasa wa kusubiri kuripoti matatizo yanapotokezea hautoi nafasi nzuri kwa Serikali kujipanga vyema katika kukabiliana na changamoto kubwa zinazojichomoza kwenye Taasisi zake.

Alisema yapo masuala yaliyoanza kuchukuliwa  hatua na Uongozi wa Wizara katika azma ya kuondoa kero na hitilafu zinazoleta usumbufu kwa Uongozi wenyewe, Wafanyakazi sambamba na Wananchi wanaohitaji huduma kupitia Taasisi hiyo ya Kiafya.

Bibi Asha alimueleza Makamu wa Pili wa Rais wa Zanzibar kwamba matumaini ya ujenzi wa Nyumba za Wafanyakazi wa Hospitali ya Abdullah Mzee Mkoani yameanza kutoa matumaini kutokana na China kuonyesha nia ya kutaka kufadhili Mradi huo.

Naibu Katibu Mkuu huyo wa Wizara ya Afya alisema ipo miradi mengine ambayo kwa wakati huu iko katika hatua za utekelezaji akatolea mfano matengenezo ya Lifti ya Hospitali Kuu ya Mnazi Mmoja yalaiyokuwa katika hatua za mwisho yakienda sambamba na ununuzi wa Lifti nyengine Mpya ya Hospitali hiyo.

Alisema hakati za maandalizi ya Ujenzi wa Hospitali ya Rufaa hapo Kikungwi zimeanza baada ya kukamilika kwa uchambuzi yakinifu wa eneo lote la mipaka, ujenzi wa Ghala ya kuhifadhia Dawa huko Vitongozji Kisiwani Pemba, Ujenzi wa jengo jipya la Hospitali ya Wagonjwa wa akili pamoja na kukamilika kwa Kitengo cha uchunguzi wa Vinasaba.

 

 

 

TIMU YA KIKWAJUNI SPORT CLUB IMEPANIA KUIREJESHEA HADHI TIMU HIYO

Timu ya Kikwajuni Sport Club imepania kuirejeshea hadhi  Timu hiyo kama ilipokuwa ikitamba zamani. Hayo yamebainika leo hii baada ya kutembelewa na mchezaji wa zamani wa timu ya taifa ya kenya mahamoud abass.

Na kuweza kushiriki katika kutowa mafunzo kwa wachezaji wa timu hiyo.

Akizungunza na wandishi wa Habari za Michezo hapa visiwani katika mazoezi ya timu hiyo amesema Zanzibar inahistoria kubwa katika ukanda wa Afrika Mashiriki na kati katika mchezo wa soka hivyo vijana wa sasa wanapaswa kujifunza histori iliyowahi kuwekwa na wachezaji wa zamani .

Aidha Abassi  ambaye aliwahikuwa golikipa namba wani wa timu ya taifa ya kenya maarufu kama harambe stars amesema timu ya kikwajuni inahitaji kuwatunza wachezaji wake ili wapate kuisaidia timu ya Taifa ya Zanzibar pamoja na Taifa Stars.

Wachezaji pamoja na meneja wa timu hiyo wamesema ujaji wa mchezaji huyo imeweza kuinuwa ari ya wachezaji hapa nchini.

Mwenyekiti wa chama cha mpira wa miguu wilaya ya Mjini amesema kitu cha faraja kumuona mchezaji huyo wa zamani kukumbuka na kutowa mafunzo hapa visiwani.

MRADI WA JUMUISHO KUWANUFAISHA WATU WENYEULEMAVU

Mkurugenzi Idara ya Watu wenye ulemavu Bi Abieda Rashid amesema Serikali  kupitia idara yawatu wenye ulemavu inaunga mkono  na kushirikiana pamoja   katika kufanikisha  mradi wa jumuisho wa kijamii maendeleo  kwa watu wenye ulemavu ili kuweza kupata mabadiliko kwa watuwenye ulemavu kwa kushirikishwa kwa kuweza kupata huduma bora za kijamii kwa watu wenye ulemavu.

Bi Abieda ameyasema hayo katika ukumbi wa watu wenye ulemavu kikwajuni mini unguja wakai wa ufunguzi   kwenye mkutano wa tasisisi  za kiraia na  jumuiya ya watu wenye ulemavu kutoka nchi ya nowroy.

Amesema mkutano huo utajadili masuala mbali mbali ya kijamii inayowahusu Watu wenye ulemavu kwa kuweza kupata haki zao za msingi  na kuuchumi kwa kushirikishwa katika mambo mbali mbali ya maendeleo kwa kusimamia huduma za watu wenye ulemavu.

Mkurugenzi wa mradi wa madrasa Early Chidhood Program Ndugu Khamis Abdalah Saidi amesema mradi huo utasaidi kutoa malengo muhimu  za haki sawa kwa  watuwenye ulmavu ikiwemo elimu afya pamoja na ajira   na kutatua changamoto mbali mbali zinazowakabili watu wenye ulemavu.

kwa upande wa mlemavu asioona kutoka malawi Ndugu  Munyaras Mulalo amesema ameweza kufaidika  na misaada inayotolewa na  shirika la kimataifa  la marekani linoshugulikia wutu wenye ulemavu kwa kuanzisha program mbali mbali  na kuweza kusaidia jumuiya nyengine.

 

error: Content is protected !!