MWANASHERI MKUU WA SERIKALI AMEWATAKA WAFANYAKAZI KUFANYAKAZI KWA UADILIFU, NIDHAMU NA UWAJIBIKAJI

Wafanyakazi wa afisi ya Mwanasheri Mkuu wa Serikali wametakiwa kufanyakazi kwa uadilifu nidhamu na wajibikaji ili lengo la Serikali la kuwapatia huduma bora wananchi liweze kuifikiwa.

Mwanasheria Mkuu wa Serikali ya Mapinduzi ya Zanzibar Nd Said Hassan Said ameeleza hayo alipokuwa akizungumza na wafanyakazi hao katika hafla ya kuwaaga watendaji wawili waliokuwa wa  ofisi hiyo waliyostaafu kazi kwa mujibu wa sheria ya utumishi wa umma ya Zanzibar.

Amesema ni heshima kwa mtumishi  kumaliza muda wake wa utumishi kwa nidhamu sambamba na kuwacha  sifa njema za utendaji katika sehemu yake ya kazi ambayo itawajengea heshima watakapokuwa  pamoja na jamii.

Aidha Mwanasheria Mkuu wa Serikali amesifu utendaji mzuri wa wastaafu hao ambao umepelekea kutunza siri za ofisi kutokana na usimamizi mzuri wa kazi zao muda wote walipokuwa kazini.

Kwa upande wao wastaafu hao wamewataka vijana kusimamia majukumu yao kwa uwadilifu na kuepuka udanganyifu na malumbano kazini kwani Serikali na jamii bado inawategemea .

Aidha wamesema ustahamilivu na uwajibikaji ndio kilichowasaidia hadi kufikia kustaafu kwa salama.

Watendaji wa afisi ya Mwanasheria Mkuu waliwatunuku  zawadi wastaafu hao ikiwa ni ishara ya upendo waliouwonyesha muda wote walipokuwa kazini.

 

Comments are closed.

error: Content is protected !!