IDARA YA MISITU NA MALIASILI ZISZOREJESHEKA IMETAIFISHA MCHANGA ZAIDI YA TANI 300

Idara ya Misitu na Maliasili zisizorejesheka imetaifisha Mchanga zaidi ya Tani 300 unaosadikiwa kuchimbwa kinyume cha utaratibu.

Akizungumza katika zoezi hilo Mkurugenzi wa Idara ya Misitu na Maliasili zisizorejesheka Ndugu Sudi Mohammed Juma amesema Mchanga huo umekamatwa Maeneo ya Shehia ya Kivunge Wilaya ya Kaskazini a ambao umekusanywa kwa kutumia Gari za Ng'ombe.

Amesema Serikali imepanga Maeneo Maalum kwa Uchimbaji wa Mchanga kwa ajili ya utunzaji wa Mazingira lakini bado kuna baadhi ya Wananchi  Wanachimba Mchanga kiholela jambo ambalo linaweza kusababisha hatarishi ya kimazingira hivyo amewaonya watakaokamatwa watachukuliwa hatua na kuwataka Viongozi na Masheha kutoa Ushirikiano ili kukabiliana na tatizo hill.

Afisa Usimamizi wa Sheria wa Idara ya Misitu na Maliasili zisizorejesheka Ndugu Haji wa Haji Hassan amesema ni kosa kuchimba Mchanga sehemu zisizoruhusiwa na Idara tayari imeshajipanga kufanya Doria kukamata Gari za Ng'ombe zitakazokutwa na Mchanga.

Maeneo ya kiengele na Kivunge Wilaya ya Kaskazin a ni yaloyokithiri kwa Uchimbaji Mchanga Kiholela.

 

Comments are closed.

error: Content is protected !!