Category Archives: Kitaifa

Habari za ndani ya nchi

KMKM YAKAMATA BOTI MBILI ZIKIVUA UVUVI HARAMU

Kikosi cha kmkm kimekamata boti mbili zikivua uvuvi haramu za macho madogo katika bandari bubu ya fukuchani.

Boti hizo zimekamatwa majira ya saa nne za asubuhi zikiwa katika harakati za uvuvi huo.

Akizungumza na wavuvi hao mwanansheria kutoka idara ya maendeleo ya uvuvi zanzibar Nd Mwinyi Mataka Mwinyi amesema sheria ya uvuvi ya mwaka 2010 inakataza uvuvi haramu, hivyo vitendo vya baadhi ya wavuvi kuendelea na uvuvi wa aina hiyo ni kupingana na shehia hivyo amewakata wavuvi hao kufuata sheria za uvuvi ili kuepukana na matatizo yanayoweza kujitokeza.

Mkuu wa wilaya ya kaskazini A Nd Hassan Ali Kombo amewakata wavuvi hao kubadilika na kutafuta vifaa vya uvuvi vinavokubalika ili kuweza kupata tija katika sekta hiyo.

Nao wavuvi hao wamesema wamefanya hivyo kutokana na hali ngumu ya maisha hivyo wamemtaka mkuu wa wilaya hiyo kuwasamehe.

SEKTA BINAFSI ZINAMCHANGO MKUBWA KATIKA KUISAIDIA SERIKALI KUTOA HUDUMA TOFAUTI

Waziri wa afya Hamad Rashid Mohammed amesema sekta binafsi zinamchango mkubwa katika kuisaidia serikali kutoa huduma tofauti ikiwemo huduma ya afya .

Kauli hiyo ameitoa wakati akifungua hospital ya urban pamoja na kuzindua bonaza la uchangiaji damu na kueleza kuwa hospitali hiyo itasaidia kutoa huduma za afya kwa wakaazi wa maeneo hayo na jirani pamoja na wageni wanaofika nchini.

Akizungumzia kuhusu huduma ya uchangiaji wa damu kwa hiyari Mh: Hamad amesema ni vyema wananchi kuchangia damu na kuweza kuwa na akiba ya kutosha ili kuepukana na usumbufu katika mwezi mtukufu wa ramadhani.

Kwa upande wake mkurugenzi wa urban hospital Dk. Jane amesema watendelea jitihada ya kunga mkono serikali ya Zanzibar hasa katika sekta ya afya ili iweze kuimarika pamoja na kuwahamasisha wageni na wenyeji kuchangia damu.

Nae msaidizi meneja wa benk ya damu salama Zanzibar Magarawa amesema lengo ni kupata chupa 2000 kwa kipindi cha mwezi mtukufu wa radhamani ambayo itawasaidia kuwahudumikia wananchi ambao wanahitaji huduma hiyo.

Wakati huo huo waziri Hamad amepokea cheki ya millioni tatu kutoka shirika la bima la taifa tanzazni kwa ajili ya bonaza la kuchangia damu.

JAMII IMETAKIWA KUEPUKA KUTUMIA FEDHA TASLIMU WAKATI WA KUFANYA MIAMALA

Jamii imetakiwa kuepuka kutumia fedha taslimu wakati wa kufanya miamala , bali imeshauriwa  kutumia njia za kielektroniki ili kudhibiti uharibifu wa sarafu na noti.

Mkuu wa wilaya ya chake chake Rashid Hadid Rashid ametoa ushauri huo wakati akifungua mkutano wa utambuzi wa fedha halali na haramu , kwa masheha, madiwani wa wilaya hiyo,  pamoja na vikosi vya ulinzi na usalama.

Amesema ni jukumu la viongozi kusimamia ili kuona sarafu haitumiwi kinyume na utaratibu.

Afisa idara ya sarafu benki kuu , Restituta Magnus ameitaka jamii kuzitunza fedha ili kuisadia serikali kutochapisha pesa mara kwa mara, huku Mkurugenzi mwandamizi wa benki kuu Fidells Mkatte amesema uwepo wa fedha nyingi kuliko mahitaji ya uchumi unasababisha mfumko wa bei.

Kamanda wa polisi mkoa wa kusini pemba kamishna msaidizi mwandamizi Hassan Nassir Ali amesema wanalojukumu la kukataza matumizi haramu ya fedha ambapo Iliyasa Ahmad akishauri benki kuu kuandaa utaratibu kuwadhibiti wananchi wanaotembea na fedha nyingi ndani ya nchi.

UTEKELEZAJI WA KATAZO LA MATUMIZI YA MIFUKO YA PLASTI NCHINI NI JAMBO LA MSINGI

Waziri wa nchi ofisi ya makamu wa raisi muungano na mazingira Mh. Januari Makamba amesema utekelezaji wa katazo la matumizi ya mifuko ya plasti Nchini ni jambo la msingi kutokana na faida ziliopo katika utekelezaji wake kwa taifa.

Waziri makamba amebainisha hilo katika kikao cha wadau kuhusu fursa za uwekezaji wa mifuko mbadala kilichofanyika katika ukumbi wa mikutano wa kimataifa wa julius nyerere jijini dar es salaam.

Amebainisha aina ya mifuko inayopigwa marufuku na kusema kuwa katazo hilo ni mchakato wa muda wa mrefu na si suala la kukurupuka kama baadhi ya wadau wanavyosema.

Waziri wa viwanda, biashara na uwekezaji Joseph Kakunda ameelezea umuhimu wa mazingira katika sekta ya uchumi na kubainisha madhara ya matumizi ya mifuko ya plastik kiafya.

Angela kairuki ni waziri wa nchi ofisi ya waziri mkuu anaeshughulikia uwekezaji amewakumbusha wawekezaji wa ndani na nje ya nchi juu ya fursa zilizopo katika sekta ya utenegenezaji wa vifungashio na kuwahamasisha kuwekeza katika sekta hio.

Kikao hicho cha siku moja chenye lengo la kuhamasisha wadau kuhusu fursa ya uwekezaji na uzalishaji wa mifuko mbadala ili kukidhi mahitaji ya umma pia kimehudhuriwa na naibu katibu mkuu ofisi ya makamu wa raisi balozi sokoine, mkurugenzi wa mazingira Zanzibar, washiriki kutoka sekta binafsi, wajasiriamali, wenye viwanda wafanyabishara ambao kwa pamoja wamekubali kutekeleza agizo hilo la Serikali

error: Content is protected !!