Category Archives: Kitaifa

Habari za ndani ya nchi

WATOA HUDUMA KATIKA TAASISI ZA SERIKALI NA BINAFSI KUTOFANYA KAZI KWA MAZOEA

Naibu waziri wizara ya kazi, uwezeshaji, wazee, wanawake na watoto, shadya mohamed suleiman amewataka watoa huduma katika taasisi za serikali na binafsi kutofanya kazi kwa mazoea na badala yake wazingatie sheria katika utendaji wao wa kazi, ili kutokomeza vitendo vya ukatili na udhalilishaji kwenye maeneo ya kazi na jamii kwa ujumla.

Mh: shadya  ametoa kauli hiyo  alipokuwa akifungua mkutano wa utoaji wa huduma za msaada wa kisheria kwa wahanga wa majumbani na sehemu za kazi kwa waathiriwa wa vitendo vya ukatili na udhalilishaji, ikiwa ni katika maadhimisho ya  siku 16 za kupinga ukatili na  udhalilishaji, uliofanyika katika Ukumbi wa baraza la Mji Chake Chake.

Amesema , vitendo vya udhalilishaji katika sehemu za kazi vipo, jambo ambalo linapelekea kukosekana kwa utendaji kazi ulio bora, ambao hudumaza maendeleo na kuwataka watoa huduma kufanya kazi kwa kuisaidia jamii, ili kutokomeza vitendo hivyo.

Nae Mkurugenzi wa Idara ya Maendeleo ya Wanawake na Watoto Zanzibar, Nasma Haji Choum amesema, lengo la kuadhimisha siku hiyo ni kumaliza matendo ya  udhalilishaji, ambapo ujumbe wa mwaka huu ni ‘Tulinde nguvu kazi tumalize vitendo vya ukatili na udhalilishaji wa kijinsia katika sehemu za kazi’.

Kwa upande wake Mratibu wa dawati la wanawake  Mkoa wa kaskazini  Fakihi Yussuf  aewataka wahanga wa vitendo vya udhalilishaji kuwa na usiri wakati vyombo vya sheria vinapofuatilia  kesi zao ili kutokuwapa mwanya watuhumiwa kukimbia.

 

 

 

MAHAKAMA INA MCHANGO MKUBWA KATIKA SEKTA YA UWEKEZAJI HAPA NCHINI

Mwenyekiti wa tume ya kurekebisha sheria mhe. Jaji mshibe ali bakari amesema mahakama ina mchango mkubwa katika sekta ya uwekezaji hapa nchini.

Jaji mshibe amesema hayo katika mkutano wa kupitia rasimu ya kurekebisha sheria 25 uliowashirikisha mahakimu na mawakili wa kujitegemea.

Jaji mshibe amesema wawekezaji kabla ya kuwekeza kuna vigezo wanavyotumia ikiwa ni pamoja na mwenendo wa kesi mahakamani, muda wa kesi, usimamizi wa kodi…

Hivyo amewataka mahakimu na mawakili kutumia vyema nafasi zao kwa uwadilifu na uwaminifu mkubwa katika kujenga imani kwa waekezaji kwa maendeleo ya taifa..

Ndg .mohammed khamis mwanasheria wa serikali kutoka ofisi ya mkurugenzi wa mashtaka amesema uchambuzi utasaidia kwa wale wanaozipitia  sheria kuzichambua kwa umakini  ili ziendane na zikidhi mahitaji kwa wakati uliopo..

Mwanasheria na mtafiti wa tume ya kurekebisha sheria  zanzibar ndg, nassor ameir tajo  amesema kazi inayofanyika hivi sasa sio kurekebisha sheria  bali ni kufanya utafiti na uchambuzi wa sheria katika kuhakikisha utengenezaji wa sheria bora hapa nchini

Mapema katibu wa tume ya kurekebisha sheria ndugu kubingwa mashaka simba amesema wameona umuhimu wa kujumuisha wa dau katika kafanikisha upatikanaji wa sheria bora kwa kuanzia wanasheria wa serikali mahakimu na mawakili wa kujitegemea.

 

 

 

USHIRIKIANO UNAHITAJIKA KATIKA KUULINDA NA KUUTUNZA MSITU WA HIFADHI YA TAIFA JOZANI

 

Ushirikiano wa pamoja unahitajika katika kuulinda na kuutunza msitu wa hifadhi ya taifa jozani, ili kudhibiti uharibifu wa msitu huo usiendelee kuangamizwa na kubakia kwa manufaa ya jamii na taifa .

hayo yameelezwa na mkuu wa hifadhi ya taifa jozani huba ya chwaka Bw, Ali  Ali  Mwinyi, wakati alipokuwa katika mkutano wa majadiliano ya uhifadhi wa misitu huko jozani ambapo amesema wakati umefika kwa wannchi wote wa zanzibar kupenda na kuthamini hifadhi za taifa ambazo zinasaidia kukuza pato la nchi.

mkuu huyo wa hifadhi  ameeleza kuwa hivi sasa kila mmoja kwa nafasi yake anapaswa kuwa mlinzi wa karibu, katika kuwabaini wale wote wanaoharibu mazingira ya msitu huo kwa makusudi ili kuwachukulia hatua kali za kisheria.

mkurugenzi wa jumuiya ya uhifadhi wa mazingira jozani (jeca) bw ali juma ali, hali ni tete hivi sasa ukilinganisha na miaka iliyopita, kutokana na uharibifu mkubwa unaofanywa  na watu wasioutakia mema  msitu wa hifadhi ya taifa jozani.

nao  viongozi wa maeneo yaliyozungukwa na msitu huo wamesema wananchi wengi wamekuwa wakiutegemea zaidi msitu huo katika shughuli zao za kila siku.

WIZARA YA ELIMU KUFUTA MITIHANI YA KIDATO CHA PILI

Wizara ya elimu na mafunzo ya amali zanzibar imetabgaza kufuta mitihani ya kidato cha pili iliyoanza leo, baada ya kuaminika kuwa baadhi ya watu wasiohusika kuipata baadhi ya mitihani kabla ya wakati wa kufanywa.
Akitoa taarifa kwa vyombo vya habari ofisini kwake amesema kitendo hicho cha kuvuja kwa mitihani kimeisabishia wizara hasara ya shilingi milioni mia mbili na hamsini na kwamba hatua kali za kisheria zitachukuliwa kwa watakaobainika kuhusika.
Jumla ya wanafunzi 34, 848 kati yao wanaume 16, 642 wa skuli 189 za serikali na skuli 60 za binafsi za zanzibar walianza mitihani hiyo ya kidato cha pili, ambayo ilitarajiwa kumalizika jumanne ya tarehe kumi na moja.