Category Archives: Kitaifa

Habari za ndani ya nchi

MUONGOZO WA UKAGUZI WA USALAMA NA AFYA KAZINI NI JAMBO LA HESHIMA KATIKA SEKTA YA UTUMISHI WA UMMA.

Mwenyekiti wa kamisheni ya utumishi wa umma Mhe.Balozi Mohammed Fakih amesema muongozo wa ukaguzi wa usalama na afya kazini ni jambo la heshima katika sekta ya utumishi wa umma.

Kauli hiyo ameitoa wakati akifungua  mafunzo ya kujenga uwelewa na kuutangaza muongozo ,wa ukaguzi wa usalama na afya kazini katika utumishi wa umma, yaliyofanyika katika ukumbi wa ofisi ya mkaguzi mkuu wa hesabu za serikali uliopo maisara wilaya ya mjini.

Balozi Fakih amesema muongozo huo utasaidia kuimarika kwa hali ya usalama na afya kazini na sekta ya umma kutekeleza majukumu yake kuzingatia viwango vya kazi vya kitaifa na sheria za kazi kufikia viwango vya kimataifa..

Akiwasilisha mada ya muongozo wa ukaguzi katika sehemu za kazi  mkurugenzi wa usalama na afya kazini mwalimu Suleiman Ali amesema usalama na afya kazini inajikita zaidi katika kinga ili kuepuka madhara katika sehemu za kazi.

Mapema katibu wa kamisheni ya utumishi wa umma ndugu Mdungi Makame Mdungi amesema umuhimu wa muongozo ni kuhakikisha watumishi wa umma wa umma wanafanya kazi katika mazingira yaliyo salama na kutoweza kuletea madhara ya kiafya.

Mafunzo hayo ya siku moja yamewashirikisha maafisa wa utumishi wa taasisi za serikali

KUKOSEKANA KWA MAADILI YA KAZI KUMECHANGIA KATIKA KUVUJA KWA MTIHANI

Wizara ya elimu na mafunzo ya amali zanzibar imesema kukosekana kwa maadili ya kazi kwa baadhi ya watendaji wake, kumechangia katika kuvuja kwa mtihani wa kidato cha pili  ambao tayari umeshafutwa.

Tamko hilo la wizara limetolewa na naibu waziri wa elimu na mafunzo ya amali Mh. Mmanga Mjengo Mjawiri, alipokutana na watendaji wa baraza la mtihani zanzibar, na kueleza kuwa kitendo hicho cha kukosa maadili kimeiweka jamii katika mazingira magumu kutokana na jitihada kubwa iliyochua ya kufanya maandalizi kwa watoto ili waweze kushiriki vyema katika mitihani yao.

Akionesha kutoridhishwa na tukio hilo la kuvuja kwa mtihani waziri wa elimu na mafunzo ya amali  Mh Riziki Pembe  Juma, amesema  mitihani ndio kipimo kinachopelekea taifa kupata wataalamu wenye sifa, hivyo  kuvuja kwa mitihani kutapeelekea kupata watendaji waliofaulu kwa kufanya udangayifu.

Mkurugezi mtendaji wa baraza la mitihani zanzibar Nd. Zuberi Juma Khamis, amesema wataandaa mikakati kuhakikisha kuwa tukio kama hilo halitojirudia.

ZAECA YAENDELEA KUTOA ELIMU KWA JAMII ILI KUVIFICHUA VITENDO VYA RUSHWA

Wananachi wa shehia ya kiwani wilaya ya mkoani wameitaka mamlaka ya kuzuia  rushwa na uhujumu wa uchumi zanzibar(zaeca) kuendelea kutoa elimu  kwa jamii ili kuwawaezesha  kushirikiana  katika kuvifichua  vitendo vya rushwa na uhujumu wa uchumi.

Wakizungumza na zbc baada ya kushiriki katika zoezi la utafiti sambamba na elimu  juu ya  madhara ya rushwa iliyotolewa na mamlaka hiyo, wananchi hao wamesema wakikabiliana na  vitendo hivyo katika maeneo tofauti ya utoaji wa huduma lakini kutokakana na ukosefu wa taaluma kuhusu athari na madhara ya rushwa hulazimika  kutoa rushwa ili kurahisisha upatikanaji wa huduma .

Akitoa tathmini ya utafiti huo  mdhamini wa zaeca pemba Suleiman Ame  Juma  amesema pamoja na mbinu waliyotumia  ya kutoa  elimu kwa mtu mmoja mmoja, lakini amewataka wananchi kuvitumia vyombo vya habari  ili kupata taarifa juu ya vitendo na athari zake.

Mamalaka ya kuzuia rushwa  na uhujumu  wa uchumi zanzibar imetoa elimu kwa wananchi  kupitia njia ya dodoso katika shehia ya makangale na kiwani kisiwani pemba.

WATOA HUDUMA KATIKA TAASISI ZA SERIKALI NA BINAFSI KUTOFANYA KAZI KWA MAZOEA

Naibu waziri wizara ya kazi, uwezeshaji, wazee, wanawake na watoto, shadya mohamed suleiman amewataka watoa huduma katika taasisi za serikali na binafsi kutofanya kazi kwa mazoea na badala yake wazingatie sheria katika utendaji wao wa kazi, ili kutokomeza vitendo vya ukatili na udhalilishaji kwenye maeneo ya kazi na jamii kwa ujumla.

Mh: shadya  ametoa kauli hiyo  alipokuwa akifungua mkutano wa utoaji wa huduma za msaada wa kisheria kwa wahanga wa majumbani na sehemu za kazi kwa waathiriwa wa vitendo vya ukatili na udhalilishaji, ikiwa ni katika maadhimisho ya  siku 16 za kupinga ukatili na  udhalilishaji, uliofanyika katika Ukumbi wa baraza la Mji Chake Chake.

Amesema , vitendo vya udhalilishaji katika sehemu za kazi vipo, jambo ambalo linapelekea kukosekana kwa utendaji kazi ulio bora, ambao hudumaza maendeleo na kuwataka watoa huduma kufanya kazi kwa kuisaidia jamii, ili kutokomeza vitendo hivyo.

Nae Mkurugenzi wa Idara ya Maendeleo ya Wanawake na Watoto Zanzibar, Nasma Haji Choum amesema, lengo la kuadhimisha siku hiyo ni kumaliza matendo ya  udhalilishaji, ambapo ujumbe wa mwaka huu ni ‘Tulinde nguvu kazi tumalize vitendo vya ukatili na udhalilishaji wa kijinsia katika sehemu za kazi’.

Kwa upande wake Mratibu wa dawati la wanawake  Mkoa wa kaskazini  Fakihi Yussuf  aewataka wahanga wa vitendo vya udhalilishaji kuwa na usiri wakati vyombo vya sheria vinapofuatilia  kesi zao ili kutokuwapa mwanya watuhumiwa kukimbia.

 

 

 

error: Content is protected !!