Category Archives: Kitaifa

Habari za ndani ya nchi

WIZARA YA ELIMU KUFUTA MITIHANI YA KIDATO CHA PILI

Wizara ya elimu na mafunzo ya amali zanzibar imetabgaza kufuta mitihani ya kidato cha pili iliyoanza leo, baada ya kuaminika kuwa baadhi ya watu wasiohusika kuipata baadhi ya mitihani kabla ya wakati wa kufanywa.
Akitoa taarifa kwa vyombo vya habari ofisini kwake amesema kitendo hicho cha kuvuja kwa mitihani kimeisabishia wizara hasara ya shilingi milioni mia mbili na hamsini na kwamba hatua kali za kisheria zitachukuliwa kwa watakaobainika kuhusika.
Jumla ya wanafunzi 34, 848 kati yao wanaume 16, 642 wa skuli 189 za serikali na skuli 60 za binafsi za zanzibar walianza mitihani hiyo ya kidato cha pili, ambayo ilitarajiwa kumalizika jumanne ya tarehe kumi na moja.

WANAWAKE NA VIJANA WAMETAKIWA KUWAJIBIKA KWA KUPINGA VITENDO VYA UKATILI NA JINSIA

Wanawake na vijana wametakiwa  kuwajibika kwa kupinga  vitendo nya ukatili na jinsia wanavyofanyiwa wanawake na watoto hapa nchini.

Mwenyekiti wa tasisi ya wanawake chakarika bi  aishaa abdulkheri muhammed amesema  wanawake wengi na watoto wamekuwa wakifanyiwa vitendo vya ukatili na udhalilishaji jambo ambalo linarejesha nyuma maendeleo kwa kutokuwa na imani ingawa jamii na serikali wamekuwa wakikemea lakini bado hali hiyo imekuwa ikiendelea kwa kiwango kikubwa

Hvyo kwa kupitia mafunzo hayo wanaharakati hasa vijana wameombwa kuitumia vyema elimu hiyo kwa kukomesha .

Wakufunzi wa mafunzo hayo wamewaomba waliopatiwa mafunzo hayo kuyatumia kwa kufikisha ujumbe kwa jaamii ili kuachana na vitendo vya ukatili na unyanyasaji.

Washiriki wa mafunzo hayo wameahidi kutoa elimu hiyo kwa jamii kwani vitendo hivyo vimekuwa vikiongezeka kwa idadi kubwa .

WANANCHI WA SHEHIA YA MAKANGALE WILAYA YA MICHEWENI WAMESEMA WAKO TAYARI KUPAMBANA NA RUSHWA

wananchi wa shehia ya makangale wilaya ya micheweni wamesema wako tayari kutoa taarifa ya vitendo vya rushwa kwa mamlaka ya rushwa na uhujumu wa uchumi zanzibar (zaeca), lakini malalamiko yao yafanyiwekazi ili wanotuhumiwa watiwe hatiani kisheria.
miongoni mwa wananchi hao ni hassan hamad shaame amekiri kuwepo kwa vitendo hivyo ambayo vinaathiri kiuchumi, kwani yeye binafsi alidaiwa shilingi elfukumi badala ya elfumbili kwa ajili ya cheti cha mtoto wake na huu ni mwaka wa tatu hajakipata.

wananchi wa shehia ya makangale wametowa rai hiyo wakati maafisa za zaeca walipowatembelea katika nyumba zao kwa kuwafanyia mahojiano kupitia dodoso maalumu la kutambua uwelewa wa wananchi juu ya vitendo hivyo na kuwapatia taaluma ya kudhibiti vitendo hivyo.

wamesema sababu za kutokea kwa vitendo vya rushwa ni pamoja na kutaka huduma kwa haraka bila ya kufuata taratibu, hivyo wasimamizi hutumia fursa hiyo kuwadai fedha ya kuwapatia huduma ambayo inatolewa bure.

akielezea lengo la kufanya dodoso hilo mdhamini wa zaeca ofisiya pemba suleiman ame juma amesema ni kutowa taaluma kwa wananchi wa vijijini kuyafahamu majukumu ya zaeca na vipiwataweza kutowa mchango wao katika kukomesha vitendo hivyo

amesema kupitia dodoso hilo wananchi watafahamu aina mbali mbali za vitendo vya rushwa na uhujumu wa uchumi na namna ya kukabiliana navyo bila ya kuwaathiri kiuchumi.

ZAIDI YA ASILIMIA 50 YA WANAWAKE TANZANIA WANAUGUA SARATANI YA KIZAZI

Zaidi ya asilimia 50 ya wanawake tanzania wanaugua saratani ya kizazi na kati yao asilimia 34.4 hufariki dunia kila mwaka kutokana na ugonjwa huo.

Hayo yameelezwa na dk issa omar khamis ambae ni daktari mkuu katika hospitali ya maida charitable health foundation iliyoko fuoni ijtimai katika kikao cha tathmini cha mwisho wa mwaka kilichoenda sambamba na utoaji wa elimu ya lishe na afya ya uzazi kwa kinamama pamoja na elimu ya saratani ya kizazi.

Amesema kinamama wanahitaji kufanya uchunguzi wa saratani ya kizazi kila baada ya miaka mitatu kwa waliokuwa hawajaathirika na vvu na walioathirika na vvu kila baada ya mwaka mmoja chini ya usimamizi wa kina baba kwani katika sababu zinazopelekea ugonjwa ni kuzaa watoto wengi.

Mwenyekiti wa jumuiya maida charitable health foundation kassim issa kirobo amesema lengo la kuanzishwa kwa jumuiya hiyo ni kuisaidia jamii hasa wanawake na watoto kwa kutoa huduma bure za mama mjamzito na mtoto alie chini ya umri wa miaka mitano ikiwa ni kuunga mkono juhudi za serikali ya mapinduzi ya zanzibar chini ya uongozi wa rais dk ali mohammed shein.

Mratibu wa mama na watoto kutoka jumuiya  hiyo amesema pamoja na kutoa huduma hizo pia taasisi hiyo inatoa elimu ya uzazi, lishe pamoja na saratani ya kizazi na pia ina mpango wa kutanua huduma hizo ili kuhakikisha kina mama wanahudhuria cliniki kwa wakati kwa ajili ya kujua afya zao.

error: Content is protected !!