Category Archives: Kimataifa

habari za nje ya nchi

UADILIFU NA UMAKINI WA VIONGOZI WANAOSIMAMIA JUMUIYA ZA CHAMA ITAENDELEZA KUIMARISHA KATIBA NA ILANI

Mjumbe wa Kamati Kuu ya Halmashauri Kuu ya Taifa ya CCM  Balozi Seif Ali Iddi amesema Uadilifu na Umakini wa Viongozi wanaosimamia Jumuiya za Chama itaendeleza kuimarisha Chama hicho katika utekelezaji wa Katiba na Ilani yake.

Amesema CCM imekuwa kinapata Heshima kubwa na kuungwa mkono na Wananchi wengi  kutokana na kutekeleza kwa  Vitendo ilani na Sera zake na kuwafanya Wanachama na Viongozi wa Vyama vya Upinzani kuridhika kujiunga na Chama hicho Kikongwe Barani Afrika.

Balozi Seif Ali Iddi alisema hayo katika Ofisi yake iliyomo ndani ya jengo la Baraza la Wawakilishi Chukwani wakati wa mazungumzo yake na Ujumbe wa Viongozi Wakuu wa Jumuiya ya Wazazi Tanzania ilioongozwa na Mwenyekiti wake Mheshimiwa Edmund Bernad Mndolwa.

Alisema Changamoto zilizokuwa zikijichomoza ndani ya Jumuiya za chama cha Mapinduzi ambazo ziliwahushisha baadhi ya Wanachama na hata Viongozi wake kwa sasa hazistahiki kupewa Nafasi hasa ikizingatiwa kwamba Chama cha Mapinduzi katika miaka ya sasa kinaendeleshwa katika Mfumo wa Kisayansi.

Balozi Seif ambae pia ni Makamu wa Pili wa Rais wa Zanzibar aliueleza Ujumbe wa Viongozi hao wa Jumuiya ya Wazazi Tanzania kwamba Taasisi hiyo imebarikiwa kuwa na Rasilmali nyingi ikilinganishwa na Jumuiya nyengine za Chama Bahati ambayo lazima waizingatie na kuisimamia ipasavyo ili lile lengo la kuanzishwa kwake lifikie pazuri.

Mapema Mwenyekiti wa Jumuiya ya Wazazi Tanzania Mheshimiwa Edmund Bernad Mndolwa alisema Uongoziwa Taasisi hiyo ya Chama hivi sasa uko katika Mchakato wa kuhakikisha CCM inaendelea kushika hatamu katika Uchaguzi Mkuu unaotarajiwa kufanyika baadae mwaka huu.

Mheshimiwa Edmund alisema Viongozi wa Jumuiya hiyo wanaendelea na mikakati ya muda mfupi na mrefu katika kuona malengo hayo yanatimia na kuleta mafanikio waliyoyalenga.

Naye kwa upande wa Makamu Mwenyekiti wa Jumuiya ya Wazazi Visiwani Zanzibar nd. Haidar Haji Abdullah alisema suala la usafiri linapaswa kuangaliwa na kupewa msukumo mkubwa ili kuondoa changamoto inayowakabili Viongozi wa Jumuiya hiyo kwa upande wa Zanzibar.

 

MWELEKEO WA HALI YA UCHUMI WA ZANZIBAR KWENDA SAMBAMBA NA UTEKELEZAJI WA DIRA YA MAENDELEO

Makamu  wa Pili wa Rais wa  Zanzibar Balozi Seif  Ali iddi amesema mwelekeo wa haliya Uchumi  wa Zanzibar  kwa mwaka 2020 unategemea kwenda sambamba na utekelezaji wa Dira ya Maendeleo, MKUZA  na ilani ya uchaguzi ya Chama cha Mapinduzi.

Amesema   Pato la Taifa lilitarajiwa kukuwa kwa kasi ya asilimia 7-8 kwa mwaka 2020 kutokana na matarajio ya kuongezeka kwa shughuli mbali mbali za Kiuchumi na Mendeleo.

Balozi  Seif Idd alisema hayo wakati akiwasilisha hotuba ya makadirio ya mapato na matumizi ya Ofisi ya Makamu wa Pili wa Rais wa Zanzibar kwa mwaka wa Fedha wa 2020/2021 kwenye Mkutano wa kumi na tisa wa Baraza la Tisa la wawakilishi ulioanza  Rasmi leo ili  kujadili Bajeti ya  Serikali ya Mapinduziya Zanzibar.

Hata hivyo Balozi Seif alifafanua kwamba kutokana na janga la Virusi vya CORONA {covid – 2019}, Uchumi wa Taifa unatarajiwa kukuwa kwa kasi ya Chini ya asilimia hii itatokana na kuyumba kwa sekta za Uchumi ikiwemo Utalii, Biashara, uwekezaji na kupungua kwa mapato ya Serikali.

Makamu  wa  Pili  wa  Rais  wa  Zanzibar  aliliomba  Baraza la  Wawakilishi  liidhinishe jumla yashilingi bilioni sabini natano,  kumi na tano milioni, laki tano na thalathini natatu elfu { 75,015,533,000 } kwa Ofisi ya Makamu wa Pili wa Rais nataasisi zake kwa ajili ya kutekeleza programu 11ndani ya kipindi cha fedha cha Mwaka 2020/2021.

Wakichangia  bajeti hiyo wajumbe wa  baraza la wawakilishi  wameishauri ofisiHiyo  kujipanga vyema zaidi na kumarisha  huduma  katika sekta zake mtambukaIkiwemo kupambana na dawa za kulenya, huduma kwa watu wenye ulemavu Mazingira.

 

 

KIPINDI CHA MWEZI WA RAMADHANI KUMEKUWA NA BIDHAA ZA VYAKULA ZA KUTOSHA KATIKA MASOKO.YA ZANZIBAR

Wafanyabiashara na baadhi ya Wananchi wamesema katika kipindi hiki cha Mwezi Mtukufu wa Ramadhani kumekuwa na bidhaa za vyakula za kutosha katika Masoko.ya Zanzibar

Wamesema Mazao kama Ndizi, Mihogo, Majimbi na Madukani katika Ramadhani hizi za mwazo vimekuwa vingi na bado bei zake ni nafuu.

Wamesema tatizo liliopo ni upatikanaji wa Fedha kwa watu jambo ambalo litawapa shida katika upatikanaji wa bidhaa hizo kwaajili ya Futari.

MH. MGENI HASSAN AMESEMA WANAWAKE WANA NGUVU KUBWA KATIKA NGAZI ZOTE ZA KIUCHUMI, KISIASA ,KIJAMII

Naibu Spika wa Baraza la Wawakilishi Mhe. Mgeni Hassan Juma amesema Wanawake Wana nguvu kubwa katika ngazi zote za Kiuchumi, Kisiasa na Kijamii ya kulifanya Taifa kupiga hatua za Maendeleo

Akizungumza katika kongamano la Shamra shamra za kuadhimisha siku ya Wanawake Duniani Mhe Mgeni amesema katika kufikia hatua hizo Wanawake nao wako mstari wa mbele kupiga vita Umasikini ili kuwepo na usawa.

Amewataka kinamama kubadilika kwa kujiendeleza katika nyanja mbali mbali za Maendeleo ikiwemo ushiriki  kugombea nafasi za uongozi katika Uchaguzi Mkuu wa mwaka huu.

Wakichangia mada zilizowasilishwa katika mdahalo huo washiriki wamevitaka vyama vya siasa kuweka miongozo ya nafasi za uongozi kwa Wanawake  katika vyama vyao ili waweze kufanikisha mawazo yao kuweza kuleta mabadiliko.

Mdahalo huo uliotayarishwa na Asasi za Kiraia zinazopigania Maendeleo ya Wanawake  Nchini, chini ya ufadhili wa UN WOMEN, umewashirikisha Viongozi   wa vyama vya siasa, Tume ya Uchaguzi, Viongozi wa Dini na Wanawake ukiwa na kauli mbiu ya “Ushiriki wa Wanawake ni chachu ya Maendeleo.

 

 

error: Content is protected !!