Recent Posts by Wardat Mohd

BALOZI SEIF AMETIA SAINI KITABU CHA MAOMBOLEZO KUFUATIA KIFO CHA SULTAN QABOOS

 

Makamu wa Pili wa Rais wa Zanzibar Balozi Seif Ali Idd ametia saini kitabu cha maombolezo kufuatia kifo cha aliyekuwa mtawala wa Oman Sultan Qaboos bin Said Al Said kilichotokea usiku wa kuamkia Jumamosi iliyopita kwenye Qasri yake Beit Al Baraka Nchini Oman.

Marehemu Qaboos Bin Said Al Said aliyefikisha umri wa miaka 79 aliitawala Oman kwa miaka 50 ambapo utawala wa nchi hiyo unaongozwa na mrithi mpya Binamu wake Haitham bin Tariq aliyekuwa Waziri wa Mirathi na Utamaduni wa Oman ambapo ametenga siku tatu za maombolezo.

DK. MAGUFULI AMEWAAPISHA MABALOZI 4 ALIOWATEUA KARIBUNI KUIWAKILISHA TANZANIA KATIKA NCHI NYENGINE

Rais wa Jamhuri ya Muungano wa Tanzania, mhe. Dk. John Pombe Magufuli amewaapisha mabalozi 4 aliowateua hivi karibuni kuiwakilisha Tanzania katika nchi za Afrika Kusini, Namibia, Zimbabwe na Nigeria.

Walioapishwa ni Mej. Jen (mstaafu) Gaudence Salim Milanzi anayekuwa balozi wa Tanzania Pretoria - Afrika Kusini, Dk. Modestus Francis Kipilimba anayekuwa balozi wa Tanzania Windhoek – Namibia, Prof. Emmanuel David Mwaluko Mbennah anayekuwa balozi wa Tanzania Harare – Zimbabwe na Dk. Benson Alfred Bana anayekuwa balozi wa Tanzania Abuja – Nigeria.

Akizungumza mara baada ya kuwaapisha Mabalozi hao, Mhe. Rais Magufuli amewataka kuripoti katika vituo walivyopangiwa ndani ya wiki 2 kuanzia sasa na amewasisitiza kutekeleza majukumu yao kwa mujibu wa sheria, na kuzingatia maslahi ya Taifa hasa kiuchumi na kuwawezesha Watanzania kupata ajira katika fursa zilizopo katika nchi hizo.

Waziri wa Mambo ya Nje na Ushirikiano wa Afrika Mashariki, Mhe. Prof. Palamagamba Kabudi amewataka Mabalozi hao kuitangaza vyema Tanzania ambayo kwa sasa inapiga hatua kubwa katika maeneo mengi.

Hafla ya kuapishwa kwa Mabalozi hao imefanyika Ikulu jijini Dar es salaam na kuhudhuriwa na viongozi mbalimbali wakiwemo Makamu wa Rais, Mhe. Samia Suluhu Hassan na Waziri Mkuu Mhe. Kassim Majaliwa Majaliwa

Recent Comments by Wardat Mohd

No comments by Wardat Mohd yet.