Recent Posts by Wardat Mohd

VIONGOZI NA WANACHAMA WA CCM WAMETAKIWA KUACHA SIASA ZA KUGOMBANA KATIKA KUGOMBEA UONGOZI

Mwenyekiti wa Chama cha Mapinduzi Taifa Dkt.John Pombe Magufuli amewataka Viongozi na Wanachama wa Chama hicho kuacha siasa za kugombana katika kugombea Uongozi hasa katika nafasi za Ubunge na Udiwani.

Amesema kutokana na uimara wa Chama hicho ni maslahi yake yawekwe mbele ya Chama hicho na wakati ukifika wanaonyesha nia watatangazwa na kufuata taratibu kwa kila hatua.

Dkt.Magufuli amesema ni muhimu kuhakikisha wanakuwa na uomja na mshikamano na  kutowakatisha tamaa Wanachama waliotayari kutumikia Chama hicho au kugombea nafasi mbalimbali ndani ya CCM.

UKOSEFU WA AJIRA KWA VIJANA NI JAMBO LINALOHITAJIKA KUSHUGHULIKIWA KWA NGUVU KUBWA

Wabunifu Nchini wametakiwa kutumia fursa ya kukutana na Watendaji wa Mamlaka ya Mafunzo ya Amali ili waeleze changamoto mbali mbali zinazo wakabili katika kada hiyo kwa lengo la kuisadia Mamlaka hiyo kutayarisha Mitaala itakayoakisi mahitaji ya Soko la Ajira kwa Viwanda.

Akifungua Mkutano wa siku moja uliowashirikisha Wabunifu wa Viwanda hapa Zanzibar Mkurugenzi Mtendaji wa Mamlaka ya Mafunzo ya Amali Zanzibar Dr.Bakari Ali Silima alisema Jamii imekuwa na kilio cha namna ya kupambana na Soko la ajira huku Vijana wengi wakiendelea kulalamika kukosa kazi jambo ambalo linahitajikushughulikiwa kwa nguvu kubwa ili kupunguza na hatimae kuondosha kabisa kulio hicho.

Nae Mkufunzi wa Mafunzo hayo Dr.Ibrahim Mussa Haroun kutoka Chuo cha South West cha China amesema zipo changamoto nyingi ambazo zinawakabili Wabunifu Nchini ikiwa ni pamoja na namna ya kuandaa filamu,matumizi mazuri ya Camera na hata kukosa hati miliki ya kazi wanazozifanya na kupelekea kutokufaidika na kazi wanazozifanya kwa maarifa yao.

Kwa upande wao Washiriki wa kikao hicho cha siku moja kilichojadili changamoto za Wabunifu walieleza changamoto zao kuwa ni pamoja na taasisi zilizopewa dhamana ya kusimamia ukuaji wa Wabunifu kuwa bado hazijawawezesha wao kufanya vizuri pamoja na juhudi kubwa zinazochukuliwa na Wabunifu wenyewe ili kuboresha kazi zao.

Mamlaka ya Mafunzo ya Amali kwa kushirikiana na Shirika la kimataifa linaloshughulikia Elimu na Science  UNESCO  inaendesha mradi wa pamoja wa kuwawezesha Wabunifu wa Viwanda ili waweze kuzalisha kazi ambazozitaleta tija kwa Wabunifu na Nchi kwa ujumla.ambapo kwa upande wa Mamlaka ya Mafunzo ya Amali itasadia kutayarisha Mitaala itakayoakisi mahitaji halisi ya Soko la Ajira.

 

MH. KHAMIS JUMA MWALIM AMESEMA SERIKALI INAENDELEA NA UJENZI WA MAJENGO MAPYA YA MAHAKAMA

Waziri wa Katiba na Sheria Mh. Khamis Juma Mwalim amesema Serikali inaendelea na ujenzi wa Majengo mapya ya Mahakama na kuyafanyia ukarabati majengo chakavu ili yakidhi haja ya shughuli za Kimahakama.

Mh.Khamis  Akizungumza katika kikao cha majumuisho ya Ziara ya kamati ya Sheria, Utawala bora na Idara Maalum ya Baraza la Wawakilishi amesema kuna baadhi ya Majengo ya Mahakama yanakabiliwa na changamoto za kimiundombinu na uhaba wa vitendea kazi na kaathiri ufanisi wa utendaji kazi hivyo Serikali imeweka mikakati madhubuti ya kutatua kadhia hiyo.

Akizungumzia kesi za udhalilishaji Waziri Khamis amewataka Wananchi kuacha muhali na kushirikiana na Mahakama kwa kutoa ushahidi ili Watuhumiwa wa kesi hizo waweze kuhukumiwa kama sheria zinavyoelekeza.

Mhandisi wa Mahakama Kuu Nd.Mussa Ali  Amesema ujenzi wa jengo la mahakama kuu Tunguu unaendelea kama ulivyopangwa licha ya changamoto ndogo ndogo zilizopo na kuzitaka taasisi nyengine zinazohusiana na upatikanaji wa malighafi za Ujenzi kutoa ushirikiano ili ujenzi huo umalize kwa wakati.

Mwenyekiti wa Kamati ya Sheria Utawala Bora na Idara Maaalum Mh. Zulfa Mmaka ameitaka Wizara ya Katiba na Sheria kusimamia ujenzi huo na kuyafanyia marekesho Majengo mengine ya Mahakama ili kutoa fursa kwa watendaji kufanya majukumu yao kwa ufanisi na kurahisisha upatikanaji haki kwa Wananchi.

 

 

SERIKALI IMESEMA HAINA NIA YA KUWAKOMOA WANANCHI WAKE KATIKA SUALA LA UPATIKANAJI WA MCHANGA

Serikali ya Mapinduzi ya Zanzibar imesema haina nia ya kuwakomoa Wananchi wake katika suala la upatikanaji wa Mchanga ila ni kupunguza athari za mabadiliko ya tabia Nchi.

Naibu Waziri wa Kilimo Maliasili Mifugo na Uvuvi Mh: Makame Ali Ussi ameeleza hayo katika mkutano wa kutoa Elimu juu ya uhifadhi wa mazingira na udhibiti wa rasilimali uliofanyika katika ukumbi wa Halmashauri ya Wilaya ya Kaskazini'A'  Mkokotoni.

Amesema Zanzibar ni Nchi ya Visiwa Kijiografia iwapo rasilimali zake hazitatumika kwa utaratibu wa Sera na sheria itasababisha athari za mabadiliko ya Tabia Nchi.

Mkuu wa kitengo cha rasilimali zisizorejesheka Nd.Mwinjuma Amesema idara ya misitu ipo tayari kushirikiana na wenye Magari ya mchanga na wamiliki wa Viwanda vya Matofali ili kuona suala la udhibiti wa rasilimali linafanikiwa.

Washiriki wa mkutano huo wameiomba Serikali kupunguza baadhi ya masharti ya upatikanaji wa rasilimali hiyo.

Recent Comments by Wardat Mohd

No comments by Wardat Mohd yet.