Recent Posts by Wardat Mohd

WATATU WAKAMATWA WAKISAFIRISHA SUKARI KIMAGENDO

Kikosi cha KMKM Kamandi ya Mkoa wa Kusini Unguja kimewakamata Watu 3 waliokuwa Wakisafirisha Sukari kwa Njia ya Magendo ikitokea Zanzibar kuelekea Bagamoyo Mkoa Pwani.

Mkuu wa Operation wa KMKM  Kambi ya Unguja Ukuu  Luteni Kheir Ahmada Mwawalo amewataja Watu  waliokutwa na Guinia 45 za  Sukari ni Takdir Abdallah  Mwenye Umri Miaka 32 , Sheha Miraji Makungu 25 na  Ibrahim Mzee Hassan 37.

Amesema kitendo kilichofanywa na Watu hao ni kinyume na Sheria na kuwasihi Wananchi kuacha kusafirisha bidhaa kwa njia zisizokuwa  rasmi kwani zinaathiri Uchumi wa Nchi.

Mkuu wa Wilaya ya Kati Bi Hamida Mussa  Khamis amepongeza Kikosi cha KMKM   kwa kazi hiyo na kuwataka kuendeleza Doria ili kuzuia kuendelea kusafirishwa Nje ya Zanzibar bidhaa mbali mbali kwa njia  za Magendo .

UHAKIKI NA UANDIKSHAJI WATARAJIWA KUANZA MKOA WA KASKAZINI PEMBA

Tume ya Uchaguzi Zanzibar ZEC  inatarajiwa kuanza   kazi za Uandikishaji Wapiga Kura pamoja na uhakiki katika Daftari la Kudumu la Wapiga Kura  katika Mkoa wa Kaskazini Pemba baada ya kukamilisha matayarisho ya Kazi hiyo.

Akizungumza na Wakuu wa Vituo pamoja na Makarani wa Uwandikishaji Wapiga Kura, Mratibu wa shughuli za Uchaguzi Pemba Nd.Hafidh Ali Moh’d amewataka watendaji hao kufuata Sheria na utaratibu uliowekwa ili kufanya kazi hiyo kwa ufanisi zaidi.

Mratibu  huyo Ameyasema hayo huko Skuli ya  Sekondari Madungu Chake Chake wakati akizungumza  na Watendaji hao na kuwataka kuwa makini zaidi katika kazi hiyo ili zoezi hilo liende kama lilivyokusudiwa.

Naye Mkurugenzi wa Huduma za Uchaguzi Zanzibar Nd.I drisa Haji Jecha Amesema hii ni Awamu ya Pili ya zoezi hili hivyo ni vyema kuhakikisha kila mwenye sifa anaandikishwa kwa hali yoyoyte ile ili kila Mmoja aweze kupata hakiyake ya kupiga kura.

Akizungumza na Watendaji hao Mkurugenzi  Mkuu  wa mifumo ya Uchaguzi Mwanakombo  Machano Abuu  awamewaasa Watendaji hao  juu ya Matumizi ya Mashine za Vrd katika kipindi hiki cha Mripuko wa Maradhi ya Corona, kuwa na tadhari zaidi hasa kwa vile kutakuwa na ulazima wa kunawa Mikono ili kujikinga na Maambukizi  hayo.

 

 

ZANZIBAR YALEGEZA MASHARTI MAPAMBANO ZIDI YA CORONA

Serikali ya Mapinduzi ya Zanzibar imeruhusu Vyuo vyote vya Elimu Kufunguliwa na Wanafunzi wa Kidato cha Sita kurejea katika Masomo yao ili kujiandaa a Mithani ya Kidato cha Sita Kuanzia Juni 1.

Makamo wa Pili wa Rais wa Zanzibar Balozi Seif Ali Iddi Amesema katika kufanikisha utekelezaji huo ameitaka Wizara ya Elimu na Mafunzo ya Amali kushirikiana na Wizara ya Afya kuandaa Miongozo itakayozingatiwa kulinda Maambukizi ya Maradhi hayo kwa Wanafunzi.

Akitoa Taarifa ya Serikali ya kuregeza Masharti ya kukabiliana na Maradhi ya Covid 19 Zanzibar Amefahamisha kwa Wanafunzi wa Kidato cha Kwanza hadi cha Tano, Msingi, Maandalizi na Madrasa  Skuli na Vyuo vitaendelea Kufungwa hadi litakapotolewa Tangazo jengine.

Balozi Seif ameleza kuwa jitihada zilizofikiwa za kukabiliana na Corona  zimefanikiwa kutokana kufuata Maelekezo ya Viongozi Watu hao katika maenelezo yao wanayotoa kukabiliana na Maradhi hayo.

Hata hivyo amefahamisha kuwa pamoja na kulegezwa masharti amewaomba Wananchi kujua Ugonjwa wa Corona upo na  unaendelea kuathiri dunia hivyo ni vyema wachukuwe tahadhari ya kina na kuondoa hofu.

Tangu 18 march kutangazwa Ugonjwa huo Wagonjwa 134 wamethibitishwa kuwa na Maradhi ya Corona.

Aidha Wagonjwa 115 Wamepona na 19 wanaendelea na Matibabu katika Kambi za Matibabu. Kati yao Wagonjwa 109 wamepatikana Unguja, na 25 Pemba ambapo Wagonjwa 6 Wamefariki Dunia.

10 wapo KidongoChekundu na Watatu (3) wapo Skuli ya Sekondari JKU , Wawili (2) Kihinani, Mmoja (1) Kidimni na Watatu (3) wapo Vitongoji Pemba na wanaendelea vizuri na Matibabu na Afya zao zinaimarika haraka.

Jitihda hizo zimefanikiwa  kutokana na juhudi za kufuta Maelekzo ya Viongozi Watu hao katika maenedeo yao wanayotoa kukabiliana na Maradhi hayo.

Jitihada hizo zote zimefanikiwa kutokana na utekekelezaji wa Miongozo ya viongozi Watu wa Nchi na wanaahidi watendelea kufuata masharti

Pamoja na kulegezwa masharti wananchi wajue ugojwa huu upo na unaendelea kuathiri Dunini so ni vyema tuchukuwe na tahadhari ya kina na kuondoa hofu

Wizara ya Elimu na Mafunzo ya Amali katika kuandaa Miongozo itakayozingatiwa kulinda Maradhi haya kwa Wanafunzi

Skuli ya Maandalizi Madras na Vyuo vitaendelea kufungwa

Michezo ligikuu itaendelea kuanzia Juni 5 wakati  michezo mengine yote ya kukindi na Mmoja mmoja itasubiri hapo baadae

 

PBZ IMECHANGIA SHILINGI MILIONI MIA MOJA MAPAMBANO ZIDI YA CORONA

Bodi ya Wakurugenzi pamoja na Uongozi wa Benki ya Watu wa Zanzibar {PBZ} umeunga Mkono juhudi za Serikali kwa kuchangia Shilingi Milioni Mia moja Taslim {100,000,000/-} katika kusaidia Mapambano dhidi ya kukabiliana na Virusi vya Corona Nchini.

Mkurugenzi Mtendaji wa Benki ya Watu wa Zanzibar Nd. Iddi Haji Makame akiuongoza Uongozi wa Taasisi hiyo ya Fedha alieleza hayo wakati wa hafla fupi ya kukabidhi Sampuli ya Hundi ya Fedha hizo kwa Makamu wa Pili wa Rais wa Zanzibar Balozi Seif Ali Iddi Vuga Mjini Zanzibar  ambazo tayari zimeshaingizwa kwenye Akaunti ya Mfuko wa Corona.

Nd. Iddi Haji Makame Alisema uongozi wa Benki ya Watu wa Zanzibar umezingatia kazi kubwa na ya kizalendo inayofanywa na Madaktari pamoja na Watendaji wa Sekta ya Afya na kupendelea Shilingi Milioni 40,000,000/-  za Mchango huo wapatiwe Wahudumu hao wa Sekta ya Afya.

Alisema Shilingi Milioni 60,000,000/- wamefikiria kuhudumia Wananchi wa Kaya  zilizoathirika na Virusi vya Corona ambao walilazimika kukaa katika Kambi maalum muda ambao umeviza harakati zao za Kimaisha za kujitafutia Riziki za kila siku.

Akipokea mchango huo wa PBZ  Makamu wa Pili wa Rais wa Zanzibar Balozi Seif Ali Iddi Alisema inatia Moyo kuona kwamba kasi ya kuenea kwa Virusi vya Corona imepungua sana ndani ya visiwa vya zanzibar na tanzania kwa ujumla.

Balozi Seif  alisema Mchango wa Benki ya Watu wa Zanzibar umeonyesha Watendaji hao kuguswa na Janga hilo ambapo pia aliwashauri Wananchi waendelee kushirikiana na Viongozi, Taasisi pamoja na Wataalamu wa Afya katika kuhakikisha Corona ndani ya Visiwa vya Zanzibar inabakia kuwa historia katika Muda Mchache ujao.

Aliwashukuru Wananchi wa Zanzibar kwa ukubali wao wa kuitikia Pamoja na kupokea Maagizo yote yaliyokuwa yakitolewa  na Viongozi wao Pamoja na ushauri wa Wataalamu wa Afya katika kuepuka vishawishi vinavyosababisha kuambukizwa na Virusi hivyo

Makamu wa Pili wa Rais wa Zanzibar aliuhakikishia Uongozi pamoja na Bodi ya Benki ya Watu wa Zanzibar {PBZ} kwamba mchango huo utatumika na kuelekezwa kwa walengwa wote kama ilivyokusudiwa.

Corona (Covid - 19) ni Familia ya Virusi vinavyosababisha Ugonjwa kuanzia Mafua ya kawaida hadi Magonjwa makali zaidi kama vile matatizo ya kupumua ikiwa ni Mripuko mpya uliogunduliwa Mwaka 2019 na havikuwahi kubainika hapo kabla Miongoni mwa Bindamu.

 

 

 

 

Recent Comments by Wardat Mohd

No comments by Wardat Mohd yet.

error: Content is protected !!