Recent Posts by Wardat Mohd

KAZI YA UWEKAJI WA TAA ZA BARABARANI KISIWANI PEMBA INAENDELEA

Kazi ya Uwekaji wataa za  Barabarani  Kisiwani  Pemba inaendelea vizuri licha ya Mvua kubwa zinazo endelea kunyesha

Akizungumza mara baada ya kumaliza Ziara ya kuangalia kazi inavyo endelea kwa kasi katika Miji ya Wete Mkoani na kisha kuona majiribio ya Taa hizo zikiwashwa katika eneo la MachoManne Chake Chake

Mkurugenzi wa Kampuni ya Usaju  ambayo imepewa kazi ya uwekaji Taa hizo Nd.Ussi  Salum  Pondeza amesema Kampuni ina tarajia kutumia zaid ya sh Bilioni 6.2  inakwenda kama walivyo iyahidi Serekali

Akizungumza na Waandishi wa Habari huko MachoManne Chake Chake juu ya maendeleo ya kazi hio   msimamizi Mkuu wa Taa za Barabarani Zanzibar Injinia Fadhili Omar Kilala amesema kazi hio ya uwekaji Taa Barabarani  kwa Wilaya ya Chake Chake umeshafikia Asilimia 75 na mara baada ya kumaliza Chake Chake na Mkoani  wataelekea  kumalizia Wete kazi ya Uwekaji Taa za Barabarani

Kisiwani Pemba kumeanza kung`arisha baadhi ya maeneo ya Kisiwa hicho baada ya Taa kuanza kuwaka Wananchi wakisifia kuondokana na adha Vibaka kuwapora na kuwapiga bodi nyakati za usiku kwenye Madirisha ya Nyumba zao wakiwa Wamelala

MH.SIMAI AMEKABIDHI VIFAA VYA UJENZI PAMOJA NA MAJI KATIKA KIJIJI CHA KIBELE

Naibu  Waziri  wa Elimu  na  Mafunzo  ya  Amali  Mh .Simai  Mohamed  Said   ametoa  rai  kwa  Kamati  za Skuli  kuutumia   hatua  ya  kufungwa  kwa Skuli  kuwa  fursa  ya  kumaliza  changamoto  ziliomo  katika  Skuli  .

Akizungumza  na  Viongozi  na   Wajumbe  wa  Kamati  ya  Skuli  ya  Kibele  Sekondari  wakati  wa  kukabidhi  Vifaa  vya  Ujenzi  na   Miundo  Mbinu  ya  Maji  amesema   ni  Jambo  la  busara  kutumia   wakati  huu  kuwaandalia  mazingira  bora  Wanafunzi  ili  Skuli  zitakapofunguliwa  waweze  Kusoma  katika  mazingirra  rafiki.

Mh .Simai  ambae  pia  ni  Mwakilishi  wa  Jimbo  la  Tunguu amesema  Serikali  inaendelea kutoa Ushirikiano katika kukamilisha   muhimu  katika  Skuli  ikiwa ni  utekelezaji  wa  ilani  ya  CCM .

Diwani  wa  wadi  ya  Kibele  na  Mwenyekiti wa   Kamati   ya   Skuli   ya   Kibele  wameuelezea  msaada  huo  kuwa   utasaidia   kutimiza  baadhi  ya  malengo  yaliopongwa  na  Kamati  ya  Skuli  katika  kukuza  Viwango  vya  Ufaulu  kwa  Wanafunzi.

Vifaa  hivyo  vyenye   Thamani  ya  Shilingi  Milioni  Kumi   ni  pamoja  na Chokaa,  Saruji  Bomba  na Tank la Maji.

 

WATUMIAJI WA BARABARA WAMEZIOMBA TAASISI ZA SERIKALI KUSHIRIKIANA KATIKA KUTATUA KERO ZA WANANCHI

Wakaazi na Watumiaji wa Barabara wamezishauri Taasisi zinazohusika na matengenezo ya njia hizo kufanya kazi kwa mashirikiano ili kuepusha ukataji ovyo wa Barabara baada ya Ujenzi.

Wakizungumza na ZBC  Wananchi hao wamesema kumekuwa na tabia ya ukataji ovyo wa Barabara hali inayopelekea kuharibika kwa haraka Barabara hizo na kuwasumbua  Watumiaji.

Wamesema licha ya juhudi zinazochukuliwa kuimarisha Miundombinu hiyo bado kuna tatizo la uchakavu wa Barabara ambao  huchangia kutokea kwa ajali za mara kwa mara.

Taasisi zinazohusika na utengenezaji na uwekaji wa Miundombinu Barabarani Zawa na Zeco zimekiri kuwepo kwa tatizo la Mawasiliano katika ya Taasisi hizo wakati wa Ujenzi wa Barabara na kusababisha mvutano pale panapofanyika Ujenzi mwengine ambacho huathiri Barabara hizo au Miundombinu mengine.

Zimefahamisha kuwa katika kutatua tatizo hilo ni vyema kuundwa Kamati ya pamoja itakayohusisha Wajumbe kutoka Taasisi zote ili kupata maamuzi ya pamoja kabla ya kuanza Ujenzi.

Barabara za Mji wa Zanzibar zimekuwa zikikatwa mara kwa mara kutokana na upitashaji wa huduma muhimu za Kijamii kama vile Maji, Umeme na Mikonga ya Mawasiliano.

 

 

 

 

WIZARA YA AFYA IMESEMA ZANZIBAR INA WATU WATANO WENYE MAAMBUKIZI YA VIRUSI VYA CORONA

Wizara ya Afya imesema Zanzibar ina Watu watano wenye Maambukizi ya Virusi vya Corona na Watu wengine mia tatu na ishirini na nne wapo katika uangalizi maalum katika Kambi maalum ya Kidimni.

Akitoa taarifa kwa Waandishi wa Habari Waziri wa Wizara hiyo Mh.Hamad Rashid Mohammed amesema Wagonjwa hao ni Watanzania ambapo wamepata Maambukizi ya Virusi hivyo Nje ya Nchi.

Amesema kwa sasa Serikali imechukua hatua ya kuzifungia Baa na Kumbi za Starehe ili kuepusha athari zisiendelee kutokea hapa Nchini.

Mkurugenzi Mkuu wa Hospitali ya Mnazi Mmoja Dk Jamala Taib amevitaka Vyombo vya Habari kuendelea kuelimisha Jamii juu ya kujikinga na Virusi vya Corona ili kuzuia Maambukizi.

 

Recent Comments by Wardat Mohd

No comments by Wardat Mohd yet.

error: Content is protected !!