Recent Posts by TALHA FERUZ

WAFANYA BIASHARA WA SOKO LA KWEREKWE WAMETAKIWA KUTOWA USHIRIKIANO KATIKA KUDUMISHA USAFI

Mkuu wa Soko la mwanakwerekwe Nd. Mcha Ussi Mcha amewataka wafanyabiashara wa Soko hilo kutowa ushirikiano katika kudumisha usafi ili kulifanya Soko  liwe safi na lenye mandhari nzuri.

Akizungumza na ZBC ofisini kwake Mwanakwerekwe Nd. Mcha amesema suala la kudumisha usafi si la Manispaa pekee hivyo kila mfanya biashara anapaswa kuyatunza mazingira katika eneo lake la kazi na kuepuka kuyachafua kwa makusudi kwa kisingizio cha tozo hafifu wanalotoa.

Akielezea suala la miundo mbinu za Soko  hilo ikiwemo mitaro ya kupitishia maji amesema hali ilioko sasa hairidhishi na kuwataka Wananchi kuwa wastahamilivu kwani Serikali iko katika mikakati ya kuliboresha Soko hilo  liwe la kisasa.

Kwa upande wake mfanya biashara wa Soko hilo Nd. Suleiman Salum Suleiman amesema kupanda kwa bidhaa mbali mbali inatokana na upungufu wa bidhaa hizo na pindi zinapokuwa nyingi bei hizo hupunguwa hivyo amewata Wananchi kukubaliana na hali iliopo kwa muda hadi biadhaa hizo zitakapopatikana kwa wingi.

Nae mama lishe anaepika chakula katika Soko hilo Nd. Aisha Ramadhan amesema kupanda kwa tungule, mbatata, vitunguu maji na karoti kunapelekea ugumu katika manunuzi ya viungo hivyo kwa ajili ya shughuli za mapishi na kupelekea kukosa faida kwani huwabidi kuuza chakula chao kwa bei  ya kawaida.

 

MPANGO MKAKATI WA KUPAMBANA NA VITENDO VYA UKATILI NA UDHALILISHAJI KUANDALIWA

 

Wizara ya kazi uwezeshaji  Wazee, Wanawake na Watoto Pemba  imeanda mpango  mkakati ya kupambana na vitendo vya ukatili na udhalilishaji  unao endelea katika maeneo mbalimbali  Kisiwani Pemba

Akizungumuza na wadau wa vikundi kazi kutoka tasisi na ngos  Kisiwani Pemba, Afisa mdhamini  Wizaraya kazi uwezeshaji  Wazee, Wanawakena Watoto Nd.  Hakimu Vuai Sheni katika ukumbi wa  Wizara hiyo  uliopo Gombani  Chakechake Pemba.

Amesema  kuwa Wizara hiyo imeandaa kamati za kupambana  ukatili na udhalilishaji wa Wanawake  na Watoto, katika maeneo mbali mbali Kisiwani Pemba .

Akizungumuzia lengo lampango kazi huo, Afisa mpango  Wizara ya Kazi uwezeshaji Wazee, Wanawake na Watoto ambae pia  ni mratibu wa mradi wa usawa wa kijinsia Nd. Halima Masheko Ali amesema kuwa  dhamira yao  ni kuwapatia   uwelewa wanavikundi kazi,  wa kukabilina na masuala mazima  ya udhalilishaji  katika maeneo yao ya kazi

Kwa upande wao washirikiki wa mafunzo hayo,  wamesema  mipango kazi  ikikamilika itakiwa njia ya kupambana na matendo hayo, ambayo yamekuwa yakiendelea siku hadi siku.

MAMLAKA YA ANGA TANZANIA NA MAMALAKA YA VIWANJA VYA NDEGE ZANZIBAR KUTATUA CHANGAMOTO ZINAZOJITOKEZA

Mwenyekiti wa Kamati ya Ardhi na Mawasiliano ya Baraza la Wawakilishi Mh. Hamza Hassan Juma  amewataka watendaji wa Mamlaka ya Anga Tanzania (TCAA) na Mamalaka ya Viwanja vya Ndege Zanzibar (ZAA) kutatua changamoto zinazojitokeza katika masuala yanayohusu wa usafiri Anga kwa lengo kuleta tija kwa pande zote mbili.

Wito huo  umetowa na Mwenyekiti  wa Kamati hiyo wakati walipoitembelea Mamlaka ya Anga Tanzania (TCAA) na kuzungumzia juu ya utekelezaji wa suala zima la mapato yatokanayo na uendeshaji  wa Anga kwa upande wa Zanzibar na maendeleo yake amesema ni vyema kwa  mamlaka hizo zikafanya kazi    kwa pamoja  na kuangalia mahitaji halisi  kwa ajili ya utekelezaji wa  miradi mbali mbali unayohusiana na masuala ya usafiri wa anga kwa  maslaahi  ya Taifa.

Nae Mkurugenzi Mkuu wa Mamlaka ya Anga Tanzania (TCAA) Nd. Hamza Johari akizungumzia kuhusiana na ufungaji wa rada   amesema ufungaji  huo  umekuja baada ya kufanyika kwa utafiti kwa lengo la kufikia maeneo yote ya Nchi  ambapo rada hizo zimefungwa   katika maeneo ya  Kilimanjaro,  Mwanza, Dare s salaam na Mbeya kwa ajili ya kuimarisha  usalama wa  Anga.

Mkurugenzi   Mkuu wa  Mamlaka wa Viwanja vya Ndege Zanzibar  Kapteni  Said Ndumbogani  amesema Zanzibar inahitaji  chombo maalum cha kusimamia  usalama wa Anga .

Kamati  ya Ardhi na mawasiliano ya Baraza la Wawakilishi Zanzibar  ilipata nafasi ya kuitembelea rada  pamaoja na kupokea taarifa juu ya maendeleo  ya rada  hilo iliyopo katika Kiwanja cha Ndege cha Kimataifa  vya Mwalimu Nyerere Jijini  Dar es salaam ambapo kamati hiyo uliambatama na watendaji wa Wizara ya Ujenzi Usafirishaji  na Mawasiliano ya Zanzibar.

KAMATI YA MAENDELEO YA WANAWAKE HABARI NA UTALII IMEELEZEA KURIDHISHWA NA UTENDAJI KAZI WA WIZARA

Kamati ya maendeleo ya wanawake habari na utalii imeelezea kuridhishwa na utendaji wa Kamisheni ya Utalii, Shirika la Magazeti ya Serikali na Shirika la Wakala wa Uchapaji kwa utekelezaji mzuri wa shughuli zao.

Pongezi hizo zimetolewa na Mwenyekiti wa kamati hiyo Mhe, Mwantatu Mbaraka Khamis wakati kamati hiyo ilipotembelea mashirika hayo.

Katibu Mtendaji wa Kamisheni ya Utalii Zanzibar  Nd. Abdallah Juma amesema kwa kipindi cha mwaka 2019 uingizaji wa  wageni umeongezeka  hadi kufikia milioni mia tatu na sabiini ukilinganisha na mwaka 2018.

Kaimu Mkurugenzi wa  idara ya mipango na utawala wa wakala wa Serikali wa Uchapaji Zanzibar  Nd. Salum Khamis amesema katika  mwaka 2018 hadi 2019 wametekeleza vyema majuku yao pamoja na kuajiri wafanyakazi wapya ishirini na tatu.

Mkurugenzi wa Shirika la Magazeti Zanzibar Nd. Yussuf Khamis amesema  Shirika limefanikiwa kuongeza vifaa mbalimbali ikiwemo computa ,camera na gari ili kuongeza ufanisi kufuatia kuanzishwa kwa Magazeti ya Zanzibar mail na Zaspoti.

 

Recent Comments by TALHA FERUZ

No comments by TALHA FERUZ yet.

error: Content is protected !!