Recent Posts by TALHA FERUZ

SERIKALI YA UINGEREZA KUENDELEA KUSHIRIKIANA NA SERIKALI YA MAPINDUZI YA ZANZIBAR

Makamu wa kwanza wa Rais Mhe. Othman Masoud Othman amesema Serikali imekubaliana kufanya kazi kwa pamoja na Serikali ya uingereza katika mapambano dhidi ya uhalifu wa kidunia ikiwemo dawa za kulevya kwa lengo la kuinusuru jamii ya Zanzibar

Ameyasema hayo wakati alipofanya mazungumzo na Balozi msaidizi wa uingereza Nchini Tanzania Rick shearn wakati alipofika kwa ajili ya kujitambulisha na kuonesha adhma ya Serikali ya Uingereza kuendelea kushirikiana na Serikali ya Mapinduzi ya Zanzibar.

Amesema kuna mambo yanaendelea kuiathiri Dunia hasa suala la Dawa za kulevya, ufichwaji wa  Fedha za kihalifu ambapo Serikali imekubaliana kupitia Vyombo mbali mbali vikiwemo vinavyohusika na usimamizi wa sheria, uchunguzi, na usimamizi wa kodi.

Wakati huo huo Mhe. Othman amekutana na Mwakilishi mkaazi wa UNICEF Tanzania Shalin Bahuguna ambapo wameihakikishia Serikali ushirikiano kuona Zanzibar inaendelea kuwa vyema katika masuala ya Afya.

Mhe. Othman amemuhakikishia muakilishi huyo kuwa Serikali itaendelea kuungana nao pamoja katika kuhakikisha Jamii ya Zanzibar inakuwa na ustwi mzuri hasa katika suala la Afya.

 

 

KONGAMANO KUHUSU UCHUMI WA BLUU

Jaji Mkuu wa Zanzibar mh.Omar Othman Makungu amewataka Waislamu kuzingatia matumizi sahihi ya raslimali za Bahari ili kuona zinaendelea kuwa chanzo kikuu katika kukuza uchumi wao

Akifungua Kongamano la Mwezi mtukufu wa Ramadhani kuhusiana na Uchumi wa Blue huko Mahonda amesema bado baadhi ya wanajamii wanaendelea kufanya shughuli za Bahari pasipo kuzingatia umuhimu wa matumizi bora na hatimae kusababisha viumbe Bahari kupungua upatikanaji wake.

Mkuu wa Mkoa wa Kaskazini Unguja mh. Ayoub Mohammed Mahmoud, amesema Kongamano hilo limetoa fursa kwa wakaazi wa Mkoa huo kuona uwezo na vipaji vyao kidini pamoja na kujifunza kuendeleza tamaduni za Kiislamu ikiwemo utowaji wa Zaka na Sadaka.

Akitoa taarifa fupi ya Kongamano hilo kupitia Taasisi ya kusaidia jamii Zanzibar Relief and Development Foundation (Zardefo) Katibu mkuu wa taasisi hiyo Ali Mohammed Haji, amesema Kongamano hilo lina lengo la kuwakumbusha Waislam mambo muhimu kuhusiana na dini yao pamoja na umuhimu wa Uchumi wa blue katika Uislamu.

Wakiwasilisha mada ya Uchumi wa buluu katika Uislamu Sheikh Izuddin Alawi na Sheikh Mubarak Awesu wamempongeza Rais wa Zanzibar kwa wazo lake hilo pamoja na kumuombea dua katika kuhakikisha anaibadilisha Zanzibar kupitia Uchumi huo.

WATUMISHI WA UMMA KUFANYAKAZI KWA KUFUATA SHERIA NA KUACHA KUFANYA KAZI KWA MAZOEA

Makamu wa kwanza wa Rais wa Zanzibar Mh. Othman Masoud Othman amewataka Watumishi wa Idara zilizomo kwenye Afisi ya Makamu wa Kwanza wa Rais kufanya kazi kwa kufuata  misingi ya sheria na kanuni za Utumishi ili kutoa huduma kwa jamii ipasavyo.

Mh. Othman ameyasema hayo katika kikao na Wafanyakazi wa idara zilizo chini ya Ofisi yake Kisiwani Pemba mara baada ya kuzitembelea idara hizo Gombani Chakechake .

Amesema ni wajibu wa kila Mtumishi wa Umma kufanyakazi kwa kufuata Sheria na kuacha kufanya kazi kwa mazoea kwani serikali za awamu ya nane imekusudia kutoa huduma kwa jamii bila kuwepo kwa urasimu .

Aidha mh. Othman amesema katika kuyafikia malengo hayo ni lazima Wafanyakazi kuongeza ubunifu kupia taaluma zao kwa kuyatangaza mambo yanayotekeleza  kwa kuandaa vindi katika vyombo vya habari zikiwemo mitandao ya kijanmii .

Amesema kwamba zimo Taasisi ikiwemo ya mazingira ambazo zinaweza kuielimisha Jamii kupia vyombo hivyo namna ya kuhifadhi mazingira pamoja kitengo cha madawa ya kulevya kutoa elimu ya kupambana na janga hilo kwa vijana ambao ndio nguvu kazi ya Taifa.

Kwa upande wake Katibu Mkuu wa Ofisi ya Makamo wa kwanza wa Rais  Khadija Khamis Rajab amesema  Ofisi  inaendelea kuzipatia ufumbuzi wa haraka  changamoto  zinazowakabili  ili malengo waliojipangia  yaweze kufikiwa wakati .

Recent Comments by TALHA FERUZ

No comments by TALHA FERUZ yet.