Recent Posts by SUBIRA ALI

DR.SHEIN AWATAKA WATENDAJI WA SHIRIKA LA UTANGAZAJI ZANZIBAR KUFANYA KAZI KWA KUSHIRIKIANA

Rais wa Zanzibar na Mwenyekiti wa Baraza la Mapinduzi amewataka watendaji wa Shirika la Utangazaji Zanzibar kufanya kazi kwa mujibu wa misingi ya Serikali na ushirikiano ili kuhakikisha shirika hilo linafikia malengo ya kuanzishwa kwake.

Akizungumza na watendaji wa shirika hilo kwa upande wa Televisheni amesema ni lazima watendaji hao kufuata taratibu na kuacha tabia ya kupendelea vikundi au baadhi ya watu katika kufanya kazi zao.

Rais Shein  amefahamisha kuwa kutasaidia kuliondosha shirika hilo katika mfumo wa kizamani sambamba na kuliendeleza na kuweze kujitegemea kwa muda mfupi.

Ameeleza kuwa Serikali imetoa fedha nyingi kwa ajili ya kuliimarisha shirika hilo huku akisistiza kwa uongozi wa ZBC Wizara kukaa pamoja na uongozi wa  wizara ya habari utalii na mambo ya kale kupanga vipaumbele katika kutatua changamoto zinazozikabili shirika hilo kwa sasa

Aidha ameliagiza shirika laZBCkuhakisha wanafanya utaratibu wa kuwasilisha maombi serikalini kwa ajili ya wafanyakazi wa kujitolea waweze kuajiriwa mara moja

Katibu mkuu kiongozi dk Abdulhamid Yahya Mzee ametolea uafafanuzi wa baadhi ya matatizo yanayowakabili wafanyakazi wa Shirika hilo ikiwemo kuimarishwa kwa .maslahi yao

Mkurugenzi Mkuu wa Shirika la Utangazaji Zanzibar ZBC nd Chande Omar amesema kwa sasa shirika hilo lipo katika hatua za kuungnisha studio ya Radio va TV ili kurahisisha matangazo .

Baadhi ya wafanyakazi waliopata fursa ya kuzungumza katika mkutano huo pamoja na mambo mengine wamemuomba mh  rais kulisimamia suala la upatikanaji wa gari la matangazo ya nje ya studio  ob van na mafunzo ya kuimarisha kazi zao.

 

WATENDAJI WAPYA WA SERIKALI YA MAPINDUZI ZANZIBAR WASISITIZWA KUACHA DHARAU WANAPO HUDUMIA JAMII

Watendaji wapya wa Serikali ya Mapinduzi Zanzibar wamesisitizwa kuacha kudharua makundi mengine ya kijamii wanapotoa huduma katika taasisi zao.

Amesema makundi hasa ya watu wenye walemavu wamekuwa wakipata tabu wanapohitaji huduma muhimu na kufikiriwa kuwa si miongoni wa sehemu ya jamii.

Mkuu wa idara ya mafunzo mafupi Mw.Abdallah Juma akifunga mafunzo elekezi kwa watumishi hao wapya amesisitiza uzalendo na uwajibikaji ili kuleta ufanisi kwa taasisi na idara za serikali.

Nao watumishi wapya waliopatiwa mafunzo hayo yaliyoandaliwa na chuo cha utawala wa umma wameahidi kuleta mabadiliko ya kiutendaji kwa kuongeza ari ya kazi.

MAOFISA KUFANYA UCHUNGUZI KATIKA UKUSANYAJI WA TAARIFA ZA USHAHIDI WA VITENDO VYA UDHALILISHAJI.

Maofisa wa uchukuaji wa sampuli za vinasaba katika hosptali ya rufaa Mnazi Mmoja wamesisitizwa kufanya uchunguzi kwa umakini katika ukusanyaji wa taarifa za ushahidi wa vitendo vya udhalilishaji.

Akizungumza na maofisa hao katika mafunzo yaliondeshwa na Afisi ya Mkemia Mkuu wa Serikali Maruhubi  Dr  Salim Rashid amesema umakini utasaidia kuwa na taarifa za uhakika za kumtiia  hatiani mtuhumiwa katika kesi hizo zinazoripotiwa kila siku.

Amesema uwepo kwa mashine hiyo ya dna kutasaidia kurahisisha kazi za ushahidi katika vitendo vya udhalilishaji kwani na kuitaka jamiikuwa na uelewa pale tu zipanapotokezea kesi hizo.

Baadhi ya wafanyakazi wamesema mafunzo hayo yatawajengea ufanisi katika kazi zao na kuyataka yawe endelevu.

Mwanasheria wa maabara ya mkemia  Jabu Mabrouk na mtaalamu Gheda ali wamesema  katika uchukuaji wa sampuli kunahitajika kufuata taratibu maalum zinazohataji kuangaliwa makini ili kupata taarifa sahihi.

 

VYOMBO VYA HABARI VYATAKIWA KUITANGAZA SERIKALI ILI KULETA MAENDELEO

Mkuu wa Mkoa wa mjini Magharibi Bw. Hassan Khatib amevitaka Vyombo vya Habari kuisaidia Serikali katika kutangaza mambo mbalimbali ya maendeleo ili kuwavutia  wageni  na wenyeji.

Akizungumza na Wahariri na wamiliki wa Vyombo vya Habari amesema maendeleo  yapo masual mengi yaliyofanywa na kwa ajili ya wananchi hivyo  ni vyema kuyaelezea ili kuwatia moyo wananchi.

Mh. Hassan amekemea  tabia  ya baadhi ya watu wanovunja sheria kwa kutumia kivuli cha maendeleo na kuwataka kubadilika ili kuiweka nchi katika mazingira mazuri  kama zilivyo nchi nyengine duniani.

Nao Wahariri hao wa Vyombo vya Habari wamewaomba Viongozi wa Mkoa kuondosha urasimu kwa Waandishi wanaofuatilia matatizo yaliyomo katika maeneo yao yaliyokuwa kikwazo cha maendeleo kwa muda mrefu.

 

 

 

Recent Comments by SUBIRA ALI

No comments by SUBIRA ALI yet.