Monthly Archives: April 2021

WATUMISHI WA UMMA KUFANYAKAZI KWA KUFUATA SHERIA NA KUACHA KUFANYA KAZI KWA MAZOEA

Makamu wa kwanza wa Rais wa Zanzibar Mh. Othman Masoud Othman amewataka Watumishi wa Idara zilizomo kwenye Afisi ya Makamu wa Kwanza wa Rais kufanya kazi kwa kufuata  misingi ya sheria na kanuni za Utumishi ili kutoa huduma kwa jamii ipasavyo.

Mh. Othman ameyasema hayo katika kikao na Wafanyakazi wa idara zilizo chini ya Ofisi yake Kisiwani Pemba mara baada ya kuzitembelea idara hizo Gombani Chakechake .

Amesema ni wajibu wa kila Mtumishi wa Umma kufanyakazi kwa kufuata Sheria na kuacha kufanya kazi kwa mazoea kwani serikali za awamu ya nane imekusudia kutoa huduma kwa jamii bila kuwepo kwa urasimu .

Aidha mh. Othman amesema katika kuyafikia malengo hayo ni lazima Wafanyakazi kuongeza ubunifu kupia taaluma zao kwa kuyatangaza mambo yanayotekeleza  kwa kuandaa vindi katika vyombo vya habari zikiwemo mitandao ya kijanmii .

Amesema kwamba zimo Taasisi ikiwemo ya mazingira ambazo zinaweza kuielimisha Jamii kupia vyombo hivyo namna ya kuhifadhi mazingira pamoja kitengo cha madawa ya kulevya kutoa elimu ya kupambana na janga hilo kwa vijana ambao ndio nguvu kazi ya Taifa.

Kwa upande wake Katibu Mkuu wa Ofisi ya Makamo wa kwanza wa Rais  Khadija Khamis Rajab amesema  Ofisi  inaendelea kuzipatia ufumbuzi wa haraka  changamoto  zinazowakabili  ili malengo waliojipangia  yaweze kufikiwa wakati .

WIZARA YA AFYA IMEPOKEA MSAADA WA VITANDA VYA KUJIFUNGULIA KUTOKA KWA JUMUIYA YA GLOBAL KINDNESS

Wizara ya Afya Ustawi wa jamii wazee jinsia na watoto imepokea msaada wa Vitanda vitano vya kujifungulia  vyenye thamani ya zaidi ya milioni nane kutoka kwa Jumuiya ya Global Kindness Foundation ya Nchini Canada kupitia Nyota Foundation ya Zanzibar.

Akipokea Msaada huo Waziri wa Wizara hiyo nd. Nassor Ahmed Mazuri amesema  msaada huo  uliotolewa  utasaidia katika kuimarisha huduma za Uzazi Nchini.

Aidha Mazrui amesema Serikali ya Mapinduzi ya Zanzibar kupitia Wizara Afya Ustawi wa Jamii Wazee Jinsia na Watoto itahakikisha Huduma za Afya  zinaimarika zaidi na kuwataka Wafanyakazi kuwahudumia vyema Wananchi wanaohitaji huduma.

Mwakilishi wa Jumuiya ya Global Kindness Foundation kupitia Nyota Foundation  nd. Zainab Mvungi amesema  wameamua kutoa msaada huo kwa vituo vya Afya ili kina mama waweze kupata huduma zenye ubora.

Baadhi Wafanyakazi wameshukuru msaada huo na kuahidi kutimiza wajibu wao katika kutoa huduma stahiki kwa Wananchi.

Vituo vilivopata msaada huo ni Unguja Ukuu,  Chwaka, mwera selem na Bumbwini Misufini.

 

MASHIRIKIANO YA TAASISI ZA MIKOPO KWA WANAFUNZI WA ZANZIBAR NA TANZANIA KUZALISHA WATAALAMU NCHINI

Wizara ya Elimu na Mafunzo ya Amali Zanzibar imesema mashirikiano ya kiutendaji kati ya taasisi zinazotoa Mikopo kwa Wanafunzi wa Zanzibar na Tanzania yatasaidia kuzalisha Wataalamu watakaosimamia maendeleo ya Nchi

Akizungumza katika hafla ya utiaji saini Hati za makubaliano ya Mkataba wa mashirikiano kati ya Bodi hizo mbili katibu Mkuu wa Wizara hiyo bw Ali Khamis Juma amesema hatua hiyo pia itasaidia kutanua huduma za kielimu kwa Wanafunzi ambapo ameshauri kutafuta njia bora katika kusaidia kutatua vikwazo vinavyowakabili ikiwemo urejeshwaji wa Mikopo

Mkurugenzi wa Bodi ya Mikopo ya Elimu ya juu Zanzibar bw Iddi Khamis Haji amezitaja miongoni mwa fursa watakazozipata kati yao ni kubadilishana watendaji kwa lengo la kujifunza mbinu bora za kukuza huduma wanazozitoa

Amewaomba  Wanafunzi kuhakikisha wanarudisha Mikopo baada ya kumaliza Masomo kwani Bodi hiyo imetoa wastan wa Shilingi Bilioni 66 kwa miaka 10  ambapo mrejesho ni wastan wa Shilingi Bilioni 3 kwa mwaka

Nae Mkurugenzi mtendaji wa Bodi ya Mikopo ya Tanzania bara bw Abdul-razak Badru amesema wamekuwa na mahusiano na Bodi ya Zanzibar kwa muda mrefu hasa katika kusaidia masuala ya urejeshaji wa Mikopo ambapo kwa Zanzibar wamekuwa wakifanya vizuri ukilinganisha na Tanzania Bara.