Daily Archives: September 19, 2020

DK.SHEIN AMEMUAPISHA GEORGE JOSEPH KAZI KUWA JAJI WA MAHAKAMA KUU YA ZANZIBAR

RAIS wa Zanzibar na Mwenyekiti wa Baraza la Mapinduzi Mhe. Dk. Ali Mohamed Shein leo amemuapisha George Joseph Kazi kuwa Jaji wa Mahakama Kuu ya Zanzibar.

Hafla ya kuapishwa kiongozi huyo ilifanyika Ikulu Jijini  Zanzibar na kuhudhuriwa na viongozi mbali mbali wa Serikali ya Mapinduzi ya Zanzibar akiwemo Makamu wa Pili wa Rais wa Zanzibar Balozi Seif Ali Idd, Spika wa Baraza la Wawakilishi Zubeir Ali Maulid

Viongozi wengine waliohudhuria hafla hiyo ni Jaji Mkuu wa Zanzibar Omar Othman Makungu, Waziri wa Ncho Ofisi ya Rais na Mwnyekiti wa Baraza la Mapinduzi Issa Haji Ussi Gavu, Waziri wa Katiba na Sheria Khamis Juma Mwalimu, Mwanasheria Mkuu wa Serikali Said Hassan Said, Katibu Mkuu Kiongozi na Katibu wa Baraza la Mapinduzi Dk. Abdulhamid Yahya Mzee na Makatibu Wakuu.

Wengine ni Mufti Mkuu wa Zanzibar Sheikh Saleh Omar Kabih, Naibu Kadhi Mkuu wa Zanzibar Sheikh  Hassan Othman Ngwali, Mkuu wa  Mkoa wa Mjini Magharibi Hassan Khatib Hassan, Mstahiki Meya wa Jiji la Zanzibar Saleh Juma Kinana , Washauri wa Rais wa Zanzibar,  Majaji wa Mahakama Kuu ya Zanzibar, Mawakili,  viongozi wengine wa Serikali pamoja na wanafamilia.

MAMA MWANAMWEMA SHEIN AMEWATAKA WANAWAKE KISIWANI PEMBA KUHAKIKISHA CCM INASHINDA KWA KISHINDO

MKE wa Rais wa Zanzibar Mama Mwanamwema Shein, amewataka wanawake, kisiwani Pemba kupita nyumba kwa nyumba katika majimbo yote ya kisiwani humo, kutafuta kura za ushindi ili Mgombea wa CCM Dk. Hussein Mwinyi ashinde kwa kishindo katika uchaguzi mkuu ujao.

Mama Shein aliyasema hayo jana wakati akihutubia katika kongamano la wanawake wa Chama cha CCM, lililofanyika katika ukumbi wa Kiwanda cha Makonyo C hake Chake Pemba.

Mama Shein, alisema wanawake ndio kichocheo cha maendeleo ya familia na taifa, kwani wamekuwa katika harakati nyingi za kichocheo cha ukombozi na ni vyema wakaona umuhimu wa kukipigia kura Chama cha Mapinduzi ili Mgombea wa CCM Dk. Hussein Mwinyi aweze kushinda.

 

“Nakubaliana na kauli mbiu ya Mkutano huo, Umoja wetu ndio Nguvu yetu unaumuhimu mkubwa, kwani vyama vya ASP na TANU viliona umuhimu wa nguvu ya mwanamke na ndio maana kukawa na chombo cha umoja wa wanawake wa Tanzania ndani  ya chama Chetu” Alisema Mama Shein.

Alisema hivi sasa, Jumuiya hiyo bado haijashindwa na inaendelea kudumu katika shughuli zake za kuimarisha Chama kwa maslahi ya wananchi na taifa.

Alisema serikali ya awamu ya saba inayoongozwa na Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein, amekuwa akihimiza wanawake kuwa pamoja, ukiwemo wa kuunda vikundi vya Wajasiriamali na kuwawezesha kupata mikopo, ili waweze kufanya shughuli zao zenye mafanikio kwa pamoja kwa faida ya nchi.

Alisema pia serikali imejitahidi kuwafikishia huduma za umeme, maji na shughuli nyengine za kijamii, bila ya ubaguzi ikiwa ni  hatua ya kuwaondolea usumbufu wanawake kwa vile kukosekana kwa huduma hizo wao ndio wanaotaabika, jambo ambalo wanahitaji kuona wanamuunga mkono m gombea wa CCM ili Chama kiendelee kushika dola.
“Tukumbuke ule usemi  usemao Kidole Kimoja hakivunji Chawa’ hivyo tuelewe kwamba majukumu yetu mengi ya  mendeleo hayawezi kufanikiwa bila sisi kushirikiana kwa umoja wetu” Mama Sheni, alisema.

Alisema inapenddeza kuona tayari Mgombea wa CCM, Dk. Hussein Mwinyi, ameonesha kuwajali wanawake kwa kukubali kuwapa nafasi nyingi za uteuzi, jambo ambalo ni la kupongezwa na kinachohitajika kuona wanajitokeza kwa wingi Oktoba 28 kwenda kupiga kura.

“Tumtilie kura zote Mheshimiwa Dk. Hussein Mwinyi ili tumpe nafasi ya kutekeleza yale yote aliyoyaahidi kwa wananchi wa Zanzibar” alisema Mama Shein.

Alisema mchakato wa kutafuta wagombea umemalizika na waliobahatika kushika nafasi hizo wameweza kuingia katika kinyanganyiro cha kutafuta kuchaguliwa na wananchi jambo ambalo ni la kijasiri na linahitaji uvumilivu.

Mama Shein, aliwataka wanachama waliokosa nafasi hizo kuona hawakati tamaa, kwani sifa ya mwanamke ni kupambana na maisha na kinachotakiwa kufanya ni kujenga uzalendo na mshikamano wao, ili kuzidi kupata mafanikio na mwisho waweke kuwa Chama cha CCM kinashinda.

Mama Shein, alisema Zanzibar hivi sasa ipo katika nchi zenye Amani kubwa hivyo wanawake wanapaswa kuona inadumuj kwa kuhakikisha nchi inakuwa salama na kuepukana na vichocheo vya ushawishi wa mambo ambayo yatasababisha Amani kuvunjika.

“Tumuombe Mwenyezi Mungu atujaalie, tuwezekushiri katika uchaguzi mkuu huu kwa Amani salama na utulivu na kukiwezesha chama Cha Mapinduzi kushinda kwa  kishindo na kuendelea kushika dola” alisema Mama Shein.

Nae Mke wa Mgombea wa CCM, Mama Maryam Hussein Mwinyi, amewapongeza wanawake waliojitokeza kuwania nafasi mbali mbali kwa uthubutu wa kuwania nafasi hiyo.

Alisema Kinamama wajitambue kuwa ni jeshi kubwa kwa kuhakikisha wanapita kila sehemu kuomba kura na kupiga kura kwa kutumia wingi wao ili CCM ishinde, na Dk Mwinyi awe Rais wa Zanzibar.

Nae Mwenyekiti wa Jumuiya ya UWT, Thuwaiba Editon Kisasi, akesema Mchakato umepita na waliokuwa hawajapata wasikate tamaa ila wajipange kuona c hama cha CCM kishinde huku wakiona kuwa wanajenga uzalendo wa kulipenda taifa lao.

Alisema Zanzibar hivi sasa iko katika hali ya Amani iliyotokana na usimamizi mzuri uliofanywa na Rais wa Zanzibar, na Mwenyekiti wa Baraza la Mapiduzi,Dk Ali Mohamed Shein.

Mada ambazo ziliwasilishwa katika kongamano hilo ni pamoja na Uzalendo, Kutokatwa tamaa na amani.

error: Content is protected !!