Monthly Archives: August 2020

MAKABIDHIANO YA MAJENGO YA MAABARA ZA KISAYANSI KUMI NA MOJA YA UNGUJA

Wizara ya Elimu na Mafunzo ya Amali Zanzibar imetiliana saini na Kampuni ya Salim Construcrion na Kampuni ya Badri East Afrika, makabidhiano ya majengo ya maabara za Kisayansi Kumi na Mojaya Unguja.

Akizungumza baada ya Utiaji huo wa saini uliofanyika Mazizini,katibu Mkuu Wizara ya Elimu na Mafunzo ya Amali Zanzibar Muhandisi Idrisa Muslim Hija amesema kukamilika kwa Maabara hizo ni hatua ya kuendelea  kukuza Sekta ya Elimu hasa katika Masomo ya Sayansi.

Aidha amefahamisha kuwa Wizara ya Elimu na Mafunzo ya Amali itaendelea kuboresha Elimu Nchini kwa kuimarisha Miundo mbinu Taaluma za Walimu wa Masomo mbalimbali.

Kwa upande wake Mkurugenzi idara ya Mipango Sera na utafiti wa Wizara ya Elimu na mafunzo ya Amali bwana Khalid Masoud Waziri amesema Wizara yake imeridhishwa na Ujenzi wa Majengo ya Maabara hizo.

Mshauri elekezi wa mradi wa ZISP msanifu majengo bwana Ntobangi amewataka Wakandarasi wa majengo hayo kupokea matengenezo yatakayojitokeza kwa kipindi cha mwaka mmoja.

Wakandarasi wa Majengo hayo wameipongeza Wizara ya Elimu na Mafunzo ya Amali Zanzibar kwa ushirikiano waliounesha wakati wote wa Ujenzi wa Maabara hizo.

 

TIMU YA AUTO BRAZIL IMETOKA SARE YA BAO 1-1 DHIDI YA BANGALOO FC YA MAKUNDUCHI

Timu ya  Auto Brazil wamedhidi jiweka katika mazingira magumu ya kusonga mbele katika hatua ya 32 bora baada ya kutoka sare ya bao 1-1 dhidi ya Bangaloo FC ya Makunduchi katika michuano ya Yamle Yamle yanayoendelea ndani ya Dimba la Magirisi arena .

Auto Brazil waliovalia Jezi rangi ya Manjano wamekubali kutoka sare katika Mchezo huo ambao uliokuwa wa kuvutia katika muda wote wa Mchezo.

Makocha wa Timu hizo wamesema Michuano hiyo imezidi kuwa mingumu hasa katika kuielekea ya 32 bora.

Wakati Mashabiki wanaofika Kiwanjani hapo wamejigamba kwa Timu zo kuzidi kufanya vizuri katika Michuano hiyo.

 

DK.SHEIN AMEONGOZA KIKAO CHA HALMASHAURI KUU YA CCM ZANZIBAR

Makamu Mwenyekiti wa CCM Zanzibar ambaye pia ni Rais wa Zanzibar na Mwenyekiti wa Baraza la Mapinduzi Dk.Ali Mohamed Shein Ameongoza Kikao cha Kamati Maalum ya Halmashauri Kuu ya CCM  Taifa Zanzibar.

Kikao hicho kimefanyika katika Ukumbi wa Mikutano wa Afisi Kuu ya CCM ,Kisiwandui Zanzibar.

Pamoja na mambo mengine Kikao hicho kimepokea na kujadili Taarifa ya mapendekezo ya Wana CCM walioomba kuteuliwa Kugombea Nafasi ya Ujumbe wa Baraza la Wawakilishi, kutoka katika Majimbo na Nafasi ya Uwakilishi Viti Maalum vya Wanawake katika Mikoa ya Zanzibar.

Kikao hicho ni Maalum kwa mujibu wa matakwa ya Katiba ya Chama cha Mapinduzi ya Mwaka 1977.

Aidha Chama cha Mapinduzi kinaeleza kuwa Kikao hicho ni Miongoni mwa Vikao vyake vya Uongozi vya Kitaifa vinavyofanyika kwa mujibu wa kanuni na miongozo ya CCM.

 

 

MABINGWA WATETEZI WA MASHINDANO YA YAMLE YAMLE CUP WAONESHA MAKUCHA YAO

Mabingwa Watetezi wa Mashindano ya Yamle Yamle Timu ya Uzi City kutoka Meli Nne Uzi wamefufua matumaini ya kutetea taji lao baada ya Jioni ya leo kuwafunga Timu ya urafiki kutoka Donge Mabao 3-0, katika Uwanja wa Meli Nne Magirisi.

Uzi City waliyovalia Jezi rangi ya chungwa walianza kwa kishindo katika mchezo huo na kuwachukua mpaka dk 20 kuanza kupata bao la kwanza lililofungwa na Yussuf Juma dakika 20 na 30 ambapo bao la tatu likifungwa na Khelef Mido dakika 77.

ZBC Michezo ikazungumza na Mashabiki waliyofika kushuhudia Mashindano hayo huku wakiipongeza ZBC  na kuomba kuendelewa kila Mwaka Mashindano hayo.

error: Content is protected !!