Daily Archives: August 19, 2020

VIONGOZI WA SERIKALI NA WANANCHI WAMEHUDHURIA KATIKA MAZISHI YA MAREHEMU NASSOR MOYO

Viongozi wa Serikali ya Mapinduzi pamoja na Wananchi mbali mbali wamehudhuria katika Mazishi ya aliyekuwa memba wa Baraza la Mapinduzi Zanzibar Marehemu Hassan Nassor Moyo.

Akizungumza katika mazishi hayo Waziri wa Habari Utalii na Mambo ya kale .h Mahamoud Thabit Kombo amesema Serikali ya Mapinduzi ya Zanzibar imepokea kwa masikitiko makubwa kifo cha mrehemu hassan nassor moya nakuwataka wafiwa kuwa na ustahamilivu katika kipindi chote cha msiba

Mgombea wa Urasi tiketi ya ccm Mh. Hussen Mwinyi amesema Marehemu alikuwa mzalendo mwenye kujali Maslahi ya watu.

Akizungungumza kwa niaba ya familia mtoto wa marehemu mohammed hassan nassor moyo amesema ni vyema kwa viongozi pamoja na familia  kuendeleza mema aliyoyafanya marehemu na kuwa kitu kimoja katika kipindi hichi cha msiba.

Rais mstafu wa Awamu ya sita Dk Aman Abeid Karume amesema marehemu alikuwa ni kiongozi mzalendo wa hali ya juu kwa wananchi.wa Zanzibar

Wakati hou huo Waziri wa habari utalii na mambo ya kali mh mahamoud thabit kombo alikabidhi ubani kwa niaba ya rais wa Zanzibar na Mwenyekiti wa Baraza la Mapinduzi Mh .Dk Ali Mohammed Sheid.

 

ZANZIBAR IMEPATA MAFANIKIO MAKUBWA KIUCHUMI KUTOKANA NA KIJAMII KUTOKANA NA JITIHADA YA VIONGOZI

Rais wa Zanzibar na Mwenyekiti wa Baraza la Mapinduzi, Dk Ali Mohamed Shein amesema Zanzibar  imefanikiwa kupata mafanikio makubwa ya kiuchumi na kijamii kutokana na jitihada na uwezo wa viongozi na Wananchi wake.

Dk. Shein amesema hayo ikulu jijini Zanzibar, alipokutana na Uongozi wa Ofisi ya Rais, Utumishi wa Umma na utawala bora ilipowasilisha taarifa ya utekelezaji wa mpango kazi kwa mwaka 2019/2020 na mpango kazi wa mwaka 2020/2021.

Alisema maendeleo makubwa ya kiuchumi yaliopatikana katika sekta mbali mbali, ikiwemo miundombinu na usafirishaji, upandishaji wa mishahara mara tano katika kipindi cha uongozi wake (miaka kumi), ongezeko la pencheni na mambo mengine kadhaa  yanatokana na juhudi za serikali.

Alisema mafanikio hayo yamewezesha kupungua kwa utegemezi wa bajeti ya serikali kwa asilimia tano hivi sasa.

Dk. Shein aliutaka Uongozi wa ofisi hiyo kuandaa utaratibu wa kuwa na mipango ya mafunzo kwa Watumishi wa Serikali kwa kuzingatia mahitaji ya Wizara husika na Serikali kwa ujumla na kubainisha kuwa hiyo ndio kazi ya utumishi wa umma.

Aliwakumbusha viongozi na watendaji hao  kuwa Ofisi hiyo ni ya heshima, hivyo ni vyema pale wanapohitaji kuwaandikia barua watumishi kwa dhamira ya kubainisha muda wao wa kustaafu, wakazingatia  lugha nzuri  ikiwa  hatua ya kuthamin mchango waliotowa katika kipindi kirefu cha utumishi wao.

Aidha, aliuagiza uongozi wa ofisi hiyo kuweka kumbu kumbu za muhtasari wa ongezeko la mshahara na ulipaji wa posho katika mashirika ya serikali na kusisitiza wajibu wa waziri kuwa ndie mwenye mamlaka ya kuidhinisha kiwango cha malipo hayo baada ya kupendekezwa na bodi.

Alisema pamoja na mipango ya chuo cha Utumishi wa umma kuwa na azma ya kuendesha mafunzo ya uongozi , kinapaswa  kuwa na mwelekeo wa mbali zaidi utakaolenga kukiimarisha na  kukifanyia upanuzi, kama vile  ujenzi wa hosteli kupitia mihula tofauti (robo mwaka, nusu mwaka au mwaka mzima).

Dk. Shein aliupongeza uongozi, watendaji na wafanyakazi wa wizara hiyo kwa utekelezaji mwema wa majukumu ya kazi zao pamoja na maandalizi na uwasilishaji mzuri wa taarifa ya utekelezaji wa mpango kazi, sambamba na kuwataka kuendelea kujitahidi katika kujenga uwezo ili kutekeleza vyema wajibu wao, akibainisha zanzibar inahitaji kujengwa na watu wote.

Aidha, makamu wa pili wa rais wa zanzibar, balozi seif ali idd alisema pamoja na mafanikio makubwa yaliopatikana na ofisi hiyo, kutokana na kuwepo kwa uongozi bora, kuna dhana iliyojengeka miongoni mwa jamii kuwa ni vigumu kwa mwananchi kupata ajira serikalini hadi apate msukumo, huku taarifa zaidi zikihusisha baadhi ya watendaji kuuza ajira hizo.

Aliitaka mamlaka  ya kuzuia rushwa na kuhujumu uchumi zanzibar (zaeca) kuendleea kufanya kazi zake kwa umakini na weledi mkubwa  ili kukabiliana na tatizo la rushwa, akibainisha  serikali zote mbili (SMZ na SMT) zimekuwa zikipiga vita suala hilo.

Nae, katibu mkuu wa baraza la mapinduzi na katibu mkuu kiongozi, dk. Abdulhamid yahya mzee aliwapongeza vongozi, watendaji na wafanyakazi wa ofisi hiyo kwa mashirikiano yao yaliowawezesha kutekeleza vyema majukumu yao.

Alisema ni vyema ofisi hiyo ikaendeleza utaratibu wa kutayarishaji taarifa ya utekelezaji wa mpango kazi (bango kitita), kwani ni nyenzo muhimu katika kutathmin mafanikio na changamoto zinazojitokeza pamoja na kubadilishana mawazo.

“Kuelekea kipindi hiki cha uchaguzi mkuu, ni vyema kuhakikisha kunakuwepo udhibiti wa mali za serikali , serikali ipo na katika kipindi hiki inazuia kabisa uuzaji wa mali zake”, alisema.

Mapema, waziri  ofisi ya rais, utumishi wa umma na utawala bora haroun ali suleiman alimpongeza rais dk. Shein kwa busara na uadilifu mkubwa katika uongozi wake, hivyo kujenga uwazi wa ofisi hiyo, na kusema pamoja na  mambo mengine alifanikiwa kurekebisha mishahara ya wafanyakazi wa serikali mara kadhaa.

Alisema katika kipindi hicho ofisi hiyo ilifanikiwa kutekeleza kwa mafanikio makubwa mambo mbali mbali, ikiwemo kuratibu na kuendesha mafunzo ya maandalizi ya kustaafu kwa watumishi 550 wa wizara, mashirika ya umma pamoja na taasisi mbali mbali zinazojitegeemea.

Alisema ofisi hiyo ilikamilisha zoezi la uhakiki wa malipo ya mshahra  na posho kwa wizara 13 za serikali ya mapinduzi ya zanzibar, idara pamoja na taasisi mbali mbali.

Aidha, alisema ofisi ilitangaza nafasi za ajira 5,083 katika utumishi wa umma unguja na pemba pamoja na kuanzisha wakala wa serikali mtandao.

Alieleza kuwa ofisi hiyo pia ilifanya mapitio ya sheria ya utumishi wa umma ya mwaka 2011 na kuanda mapendekezo ya marekebisho ya sheria hiyo, sambamba na kukamilisha utafiti kuhusu tathmin juu ya uwajibikaji wa watumishi wa umma.“ofisi iliingiza taarifa za awali za viongozi katika mfumo wa kielektronik wa kusajili taarifa za mali na madeni ya viongozi”, alisema.

Nae, mshauri wa rais pemba, dk. Maua abeid daftar alimpongeza rais dk. Shein kwa kuanzisha sheria ya utawala bora,hatua iliyolifanya taifa kuwa na amani na utulivu, hususan katika kipindi kama hiki cha kuelekea uchaguzi mkuu.

Aliipongeza serikali kwa kusimamia vyema upatikanaji wa ajira kwa vijana, na kutoa rai kwa vyombo vya ulinzi na usalama kuchukua hatua za haraka pale litakapojitokea tukio la kiongozi wa serikali kuuza ajira.

 

Wakati huo huo,Dk shein alikutana na uongozi wa ofisi ya rais na mwenyekiti wa baraza la mapinduzi ameshukuru viongozi, watendaji na wafanyakazi wa ofisi ya rais na mwenyekiti wa baraza la mapinduzi kwa kazi nzuri waliyofanya katika kipindi chake cha uongozi, sambamba na kuandaa na kuwasilisha vyema taarifa ya utekelezaji wa mpango kazi (bango kitita).

Alisema kuna umuhimu wa kutumia uzoefu waliopata na kuendeleza kasi katika kulitumikia taifa katika kipindi kijacho cha uongozi wa serikali.

Aidha, aliwataka kuimarisha uhusiano na ushirikiano uliopo na kuepuka matabaka kwa kuzingatia kuwa wote ni wajiriwa wa Serikali.

Dk. Shein aliwataka watendaji hao kutumia vyema mafunzo wanayoyapa kazini na kuyatumia katika kukabiliana na changamoto mbali mbali katika maisha yao ya baadae.

Vile vile alisisitiza na kuwataka watendaji hao kujiendeleza kielimu  ili kuwa na upeo wa kutekeleza vyema majukumu ya kazi, sambamba na kuzingatia ukweli na uwazi.

Dk. Shein alisema milango iko wazi pale atakapostaafu kwa kiongozi au mfanyakazi kwenda kuchota ushauri wenye lengo la kuendeleza maendeleo ya taifa.

Aliweka wazi kuwa hatokuwa tayari kupokea majungu au maneno ya fitna  yatakolenga kuleta sintofahamu, hususan kwa serikali.

Aidha, dk. Shein aliahidi kuimarisha uhusiano na  ushirikiano kati ya viongozi wa taifa wastaafu (marais)ikiwa ni hatua ya kuleta ustawi bora wa taifa.

Nae, Katibu Mkuu wa Baraza la Mapinduzi na katibu mkuu kiongozi  dk. Abdulhamid yahya mzee alimshukuru dk. Shein kwa kumuamini katika muda wote wa uongozi wake  na hivyo  kupata fursa ya kujifunza mambo mengi kutoka kwake.

Dk. Abdulhamid aliwataka watendaji na wafanyakazi  wa ofisi hiyo kuyaendeleza yale yote mema na yalioiletea sifa ofisi hiyo, ikiwemo utunzaji wa siri za serikali, akibainisha kutokuwepo tukio lolote la uvujishaji wa siri za baraza la mapinduzi.

Alisistiza umuhimu wa viongozi, watendaji na wafanyakazi kuendelea kufanyakazi kwa umakini na utulivu sambamba na kutunza vyema mali za serikali.

Mapema, waziri ofisi ya rais na mwenyekiti wa baraza la mapinduzi issa haji ussi ‘gavu’ alimshukuru dk. Shein kwa kusimamia na kutekeleza kwa vitendo ilani ya ccm ya mwaka 2015 – 2020.

Alisema katika kipindi hicho ofisi hiyo imepata mafanikio makubwa ikiwemo kuratibu kwa ufanisi ziara ya kikazi iliofanyika nchi za umoja wa falme za kiarabu, iliokuwa na lengo la rais dk. Shein kushuhudia utiaji wa saini wa mkataba wa fedha  za msaada wa dola milioni kumi kutoka mfuko wa khalifa fund.

Alisema katika kuendeleza utoaji wa motisha kwa wanafunzi, ofisi hiyo iliwaandalia chakula malum wanafunzi bora 375 waliopata daraja la kwanza katika mtihani wa kidato cha nne (f.iv) na wanafunzi bora 187 wa kidato cha sita (f.vi).

Aidha, alisema ofisi ilifanikiwa kuandaa kongamano la sita la wana diaspora wa tanzania katika ukumbi wa hoteli ya verde iliopo mtoni unguja.

Kwa upande wake, mshauri wa rais kisiwani pemba dk. Mauwa abeid daftari, alimpongeza dk. Shein  kwa kuyafanyia ukarabati mkubwa majengo ya ofisi katika ikulu za chakechake na micheweni pamoja na kufanikisha ujenzi wa majengo na nyumba mpya.

Nao, wafanyakazi wa ofisi ya Rais na Mwenyekiti wa baraza la mapinduzi, walimtakia kheri na maisha mema  dk. Shein baada ya kuliongoza taifa kwa mafanikio katika kipindi cha miaka kumi.

Walisema  juhudi kubwa alizofanya zimeliwezesha taifa kupiga hatua kubwa za maendeleo kupitia nyanja mbali mbali pamoja na kuleta ustawi bora wa wafanyakazi, hususan katika uimarishaji wa miundombinu ya kufanyia kazi na upatikanaji wa taaluma.

 

 

 

 

 

 

DK. HUSSEIN MWINYI KUSIMAMIA NA KUKUZA SEKTA MBALI MBALI ZA KIUCHUMI

Wazanzibar wameahidiwa kuwepo kwa mabadiliko makubwa iwapo wataengeza nguvu ya uwajibikaji kutokana na uimarishwaji wa miundombinu ya kiuchumi ili kuhakikisha wanazitumia fursa hizo na kunufaika nazo.

Hizo ni baadhi ya ahadi zilizotolewa na mgombea urais kwa tiketi ya chama cha Mapinduzi  Mh Hussein Mwinyi alipokuwa ktk kipindi cha mahojiano  cha ZBC amesema  atahakikisha uwepo wa mazingira mazuri ya kukuza sekta mbali mbali za kiuchumi  katika kuongeza kasi ya uwajibikaji ili kila mmoja aweze kujikimu kimaisha.

Amesema kuwa na sekta zaidi za uzalishaji ikiwemo ya uchimbaji wa rasilimali ya mafuta itaweza kuleta maendeleo ya haraka kwa Wananchi.

Kwa upande wa vijana amewatakai kuwa tayari kufanya kazi ilikuongeza kasi ya uwajibikaji sambamba na kuzitumia fursa wanazopewa na serikali katika kujiletea maendeleo ya haraka Nchini.

Aidha ameazimia kupambana na wahujumu uchumi ikiwemo vita dhidi ya rushwa, uzembe kwa kuwadhibiti ili kuifanya Nchi kufikia maendeleo endelevu kwa manufaa ya wananchi wote.

Aidha amewaomba Wananchi kushirikiana katika uchaguzi kwa salama kwa kufanya kampeni za kistaarabu na kudhamiria kuendeleza amani kwa lengo la kujenga Nchi.

error: Content is protected !!