Daily Archives: July 12, 2020

DK.MWINYI KUFUATA NYAYO ZA MAGUFULI KUPIGA KAZI

Mgombea wa Nafasi ya Urais wa Zanzibar kupitia CCM Dk. Hussein Mwinyi ameahidi kufuata Utendaji kazi wa Dk. Magufuli ili Zanzibar ipate Maendeleo zaidi.

Akizungumza katika Mkutano Mkuu wa CCM  Mjini Dodoma Amesema katika kufikia hatua kubwa ya maendeleo hayo atapaswa kupiga vita Rushwa ili Zanzibar inufaike na Rasilimali zilizopo.

Hivyo amewataka Wazanzibari kumuamini kwa kumpa ridhaa ya kuongoza kwa manufaa ya Zanzibar.

Dk.Shein amewashukuru Viongozi waliomtangulia kwa kumpa msaada mkubwa katika utekelezaji wa kazi zake na kuwasihi wana CCM kumpa ushirikiano Dk.Mwinyi ili   kuinyanyua Zanzibar Kiuchumi.

 

 

IDADI YA WATALII YAENDELEA KUONGEZEKA KUWASILI ZANZIBAR

Jumla ya Watalii thamanini wamewasili katika Kiwanja cha Ndege cha Kimataifa cha Abeid Karume  na Ndege ya  Qatar air   wakitokea Nchi za Bara la Ulaya kwa ajili ya kutembelea maeneo ya kihistoria Nchini.

Idadi hiyo ni kubwa kwa Wageni wa Kitalii kuwasili Nchini tokea Serikali ya Mapinduzi ya Zanzibar kuruhusu Ngede hizo kuingia kutokana na kupungua kwa Maambukizi ya Maradhi ya Corona.

Mwenyekiti wa Kamisheni ya Utalii Zanzibar Nd.Sabahi Seleh Ali amesema Kamisheni hiyo imejipanga kuhakikisha Wageni wanaoingia Nchini wanapimwa ili kuepuka Maambukizi ya Maradhi mbali mbali ikiwemo Corona.

Afisa Uhamiaji Muandamizi Nd.Bakari Mohamed na Afisa Dhamana Huduma za Afya Uwanja wa Ndege Nd.Nassor Hamad wamesema wamejipanga vizuri kuhakikisha Mgeni anaeingia Nchini yupo salama pamoja na Wafanyakazi.

Nao Wageni waliowasili na Ndege hiyo ya Qatar air wameipongeza Serikali ya Mapinduzi ya Zanzibar kuweka Mazingira mazuri ndani ya Viwanjwa hivyo na kuishauri Jamii kuzidi kuchukua tahadhari zilizotolewa na Wataalamu ili kujikinga na Maradhi hayo.

 

error: Content is protected !!