Daily Archives: June 17, 2020

DK.MAGUFULI AMEMSHUKURU DK. SHEIN KWA USHIRIKIANO WAKE KATIKA KUWATUMIKIA WANANCHI

Rais Jamhuri ya Muungano wa Tanzania Dr.John Pombe Magufuli amevitaka Vyama vya Siasa vitakavyoshiriki Uchaguzi Mkuu Mwaka huu kujiepusha na vurugu na kwamba Serikali ipo macho kusimamia amani ya Nchi.

Dr.Magufuli akilifunga Bunge la Kumi na moja Mjini Dodoma amesema Uchaguzi huo utafuata Demokrasia kwa kuwa huru na haki na kuviomba Vyama vya Siasa kutoa nafasi za kugombea kwa Wanawake, Vijana na wenye Ulemavu.

Ameeleza kuwa Uchaguzi unaotarajiwa kufanyika Mwezi wa Oktoba ni lazima ufanyike amani bila ya kuendeleza kejeli na matusi na kuviomba Vyama vya Siasa kushinda na kwa hoja na kushindanisha ilani za Vyama vyao.

Aidha Dkt. Magufuli amemshukuru Rais wa Zanzibar na Mwenyekiti wa Baraza la Mapinduzi Dkt.Ali Mohamed Shein kwa kushirikiana nae katika kutumikia umma kwa kiasi kikubwa na amehaidi kumuenzi kama viongozi wengine.

Ameeleza kuwa amekuwa akifanya kazi kwa karibu zaidi na Viongozi wa pande zote mbili katika kuwaletea Maendeleo Wananchi wa Tanzania na kuimarisha Sekta mbali mbali ikiwemo Elimu, Afya, Kilimo, Miundombinu na Sekta nyenginezo.

Akizungumzia suala la Corona Rais Dr.Magufuli amesema kwa vile Maradhi hayo yamepunguwa kwa asilimia kubwa ameruhuru shughuli za Kijamii kuendelea pamoja na kufungliwa Skuli zote kuanzia ngazi ya msingi kuanzia June 29 Mwaka huu.

SMZ KUWEKEZA KATIKA KUWAINUA WAFANYA BIASHARA WADOGO WADOGO NCHINI

Waziri wa Biashara na Viwanda Mh.Amina Salum Ali amesema Serikali imeamua kuwekeza katika kuwainua Wajasiria mali wadogo wadogo hususan waanikaji wa Dagaa.
Akizungumza na Wajasiriamali wa uanikaji wa Dagaa wa Fungu refu Mkoa wa Kaskazini Unguja amesema Serikali imeamua kufanya hivyo kwa kutambua umuhimu wa Biashara ya Dagaa inavyokuwa Siku hadi Siku na kuona jitihada zianazochukuliwa na Wajasiriamali hao katika kujikwamua Kiuchumi.
Mh.Amina amesema kupitia Wakala wa maendeleo ya Viwanda vidogo vidogo na vya kati Smida kuwasaidia Wajasiriamali hao kwa kuwajengea Diko ambalo litaendana na shughuli zao za Kiuchumi.
Mkurugenzi wa Wakala wa Maendeleo ya Viwanda vidogo vidogo na vya kati Nd.Haji Abdulhamid amesema lengo la Smida ni kuwainua Wajasiriamali Kiuchumi na kuwapatia mitaji itakayowasaidia kuimarisha mazingira yao ya Biashara.
Wajasiriamali hao wameishukuru Serikali kwa jitahada ambazo inazichukuwa katika kuwaunga Mkono katika harakati zao za Maendeleo .

MFANYABIASHARA SAID BOPAR AKABIDHI MSAADA KWA WIZARA YA ELIMU NA MAFUNZO YA AMALI

Wanafunzi wa Kidato cha Sita Nchini wametakiwa kuendelea kuchukua juhudi katika kujitayarisha na Mitihani yao inayotarajiwa kufanyika hivi karibuni ili waweze kupata ufaulu mzuri.
Akizungumza na Wanafunzi wa Kidato cha Sita wakati akiwakabidhi vifaa mbali mbali kwa ajili ya kujikimu katika kipindi cha Mitihani yao ya Taifa Waziri wa Elimu na Mafunzo ya Amali Mh.Riziki Pembe Juma amesema licha ya Dunia kukumbwa na Janga la Corona lakini juhudi zao ndio chachu ya kufikia malengo yao.
Mfadhili wa Misaada hiyo Ndugu Said Bopar amesema lengo la misaada huo ni kuwaandali Mazingira bora yakufanya Mitihani yao katika hali ya utulivu kwa kuwaondoshea usumbufu katika kipindi cha Mtihani.
Baadhi ya Walimu na Wanafunzi hao wamesema licha ya Kufungwa Skuli kwa muda kutokana na changamoto ya Maradhi ya Corona bado matumaini yao ni kupata Matokeo mazuri kwani wameitumia fursa hiyo kujiandaa vyema na Mitihani yao.

error: Content is protected !!