Daily Archives: June 5, 2020

KINANA AMUOMBA RADHI DK. JOHN POMBE MAGUFULI

Katibu Mkuu Mstaafu wa Chama cha Mapinduzi Abrahaman Kinana amemuomba radhi kwa Mwenyekiti wa Chama hicho ambae pia ni Rais wa Tanzania Dk .John Magufuli huku akieleza kuwa ukimya wake huo kuhusu yeye kuomba radhi amekuwa akitafakari baada ya muda mrefu licha ya Wanachama wengine kujitokeza kuomba radhi kwa yaliyo tokea.

Akiwa mapumzikoni Jijini Arusha Kinana amepata fursa ya kumtembelea Mwenyekiti wa Chama cha Mapinduzi Ngazi ya Mkoa Nd. Zelote Steven Ofisini kwake na kufanya Mazungumzo na baadhi ya Waandishi wa Habari.

Akizungumzia Sakata la Mbunge wa Iringa Mchungaji Msingwa kuhusu tuhuma dhidi yake kuwa Katibu huyo amekuwa akifanya Biashara haramu ya Nyara za Serikali na baadae Msingwa kumuomba radhi kinana akaeleza yake ya moyoni.

 

BALOZI SEIF AMEWATAKA WAFANYABIASHARA WAZALENDO KUEKEZA NCHINI

Makamu wa Pili wa Rais wa Zanzibar Balozi Seif Ali Iddi amesema Wananchi Wazalendo wana haki ya kuwekeza miradi mikubwa ya Kiuchumi na Maendeleo ndani ya Taifa jambo linalotoa fursa za Ajira kwa kundi kubwa la Vijana na uhakika wa Soko la bidhaa zinazozalishwa.

Amesema zipo lawama za muda mrefu zinazotolewa na Wananchi pamoja na Wateja kuhusu baadhi ya bidhaa zinazotokea Nje ya Nchi kuwa zinapowafika kwa watumiaji zinakuwa zimeshapitwa na wakati na kuhatarisha Afya kwa Watumiaji.

Balozi Seif Ali Iddi alisema hayo wakati akipokea mchango wa vifaa mbali mbali vya mapambano dhidi ya Virusi vya Corona uliotolewa na Kampuni ya VIGO chini ya Kiongozi wake ambae pia ni Mbunge wa Jimbo la Mpendae Mh. Salum Turky vifaa ambavyo vimetengenezwa hapa hapa Nchini.

Alieleza inapendeza kuona kamba vifaa vinavyotengezwa kwa lengo la mapambano dhidi ya kupiga vita kuenea kwa Virusi vya Corona kwa sasa idadi kubwa inatengenezwa na Viwanda pamoja na Taasisi za Kizalendo hapa Nchini jambo linaloleta faraja kutokana na Wazalendo tofauti kuchangamkia fursa hiyo.

Balozi Seif Ali Iddi alitanabahisha kwamba Virusi vya Corona bado vipo Nchini licha ya kupunguwa kwa wagonjwa wa Maradhi hayo na kufikia Wagonjwa 10 hadi sasa ambapo juhudi zitapaswa kuchukuliwa ili Wananchi waendelee kuzingatia masharti yaliyowekwa na Wataalamu katika kukabiliana na janga hilo.

Alisisitiza kwamba Serikali ya Mapinduzi ya Zanzibar bado inazingatia mambo ya kufanya kabla ya kuanza kwa harakati zake za kawaida ikiwemo masuala ya Mawasiliano ya usafiri unaogusa moja kwa moja Sekta ya Utalii inayojumuisha maingiliano wa safari za Mataifa mbali mbali Duniani.

Balozi Seif alisema uwepo wa Vifaa vya uhakika vya kupimia katika kufuatilia mienendo ya Virusi vya Corona ni muhimu ikiwa ni dawa kubwa ya kudhibiti kurejea tena kuenea kwake hapa Nchini.

Mapema Kiongozi wa Kampuni ya Vigo ambae pia ni Mbunge wa Jimbo la Mpendae Mh. Salum Turky alisema maradhi yanayosababishwa na Virusi vya Corona yameharibu kwa kiasi kikubwa Uchumi unaoliliwa na Kila Mwanaadamu hivi sasa.

Mh. Turky alisema kupungua kuenea kwa Virusi vya Corona ni hatua nzuri inayotokana na jitihada kubwa iliyochukuliwa na Serikali Kuu ambayo itatoa fursa kurejea kuimarika tena kwa uchumi katika Mataifa yote yaliyoathiriwa na mripuko wa Virusi hivyo.

Vifaa vilivyotolewa na Kampuni ya Vigo vina thamani ya Shilingi za Kitanzania Milioni 70,000,000/- ikiwa ni kukamilisha Ahadi ya Kampuni hiyo ya Mchango wa gharama ya vifaa vyenye thamani ya Shilingi Milioni 100,000,000/- ni pamoja na Maski 50,000, mashuka na foronya zake 100 na Nguo za kuhudumia Wagonjwa Mia 500.

 

ZRB IMETOA VIFAA VYENYE THAMANI YA SHILINGI MILIONI 50 MAPAMBANO ZIDI YA CORONA

Bodi ya Mapato Zanzibar  ZRB  imetoa Vifaa vya kujikinga na Maradhi ya Covid 19 vyenye thamani ya zaidi ya Shilingi Milioni 50 kwaSerikali ya Mapinduzi ya Zanzibar.

Akipokea vifaa hivyo Waziri wa Nchi Afisi ya Makamu wa Pili wa Rais Mh.Mohammed Aboud Muhammed amesifu hatua ya  ZRB  ya kutoa vifaa hivyo licha ya kuwa Maradhi hayo yamepungua hapa Nchini.

Amesema nimuhimu kwa Wananchi  kuendelea kuchukuwa tahadhari ya hali ya juu sambamba na kufuata maelekezo ya Wataalamu wa Afya ili kuendelea kulitokomeza Janga hilo thakili.

Aidha Waziri Aboud amesifu hatua ya Bodi ya Mapato Zanzibar ZRB  kwa kuendelea kudhibiti mapato ya Serikali ili yaweze kuendelea kuijenga Nchi katika hatua ya Maendeleo.

Akikabidhi vifaa hivyo Mjumbe wa Bodi ya Wakurugenzi ya ZRB  Saleh Said Mbarak  kwa niaba ya Mwenyekiti wa Bodi hiyo amesema vifaa hivyo wametoa kutokana na kuona kuwa yapo mahitaji makubwa hasa  katika Wizara ya Afya.

Kamishna wa Bodi ya Mapato Zanzibar Joseph Abdallah Meza  Amewashkuru Wananchi wote wa Zanzibar kwa kuendelea kulipa Kodi na amewataka kuendela kufanya hivyo kwani Nchi zote hujegwa kwa Kodi za Wananchi wake.

 

error: Content is protected !!