Daily Archives: June 4, 2020

Mwenyekiti wa Chama Cha Mapinduzi (CCM), dkt. John Pombe Magufuli amekutana na Makamu Mwenyekiti wa CCM Zanzibar  Dkt. Ali Mohamed Shein katika Kikao cha ndani kilichofanyika ikulu ya Chamwino Jijini Dodoma.

Kikao hicho kimehudhuriwa na Makamu Mwenyekiti  wa CCM  bara nd. Philip Mangula na Katibu Mkuu wa CCM Bashiru Ally Kakurwa ambapo Viongozi hao wamezungumzia masuala ya CCM.

Baada ya kikao hicho, nd. Shein ambae ni Rais wa Zanzibar na Mwenyekiti wa Baraza la Mapinduzi  ameweka Udongo katika Jiwe la Msingi la Ujenzi wa Ofisi za Ikulu na kukagua Maendeleo ya Kazi ya Ujenzi wa Ofisi hizo inayofanywa na jJeshi la Kujenga Taifa (JKT) kupitia Shirika lake la Suma JKT.

Rais Shein amemshukuru Rais Magufuli amesema Kujengwa kwa Ofisi hiyo ni heshima kwa Taifa na tafsiri sahihi ya kujitawala.

Aidha alitumia fursa hiyo kuwapongeza Vijana wa JKT wanaofanya kazi za Ujenzi wa Ofisi hizo,  na kuwataka kujivunia fursa hiyo ya kushiriki Maendelo ya Tanzania .

Tume ya Haki za Binaadamu Tanzania ina wajibu wa kufanya kazi kwa karibu zaidi na Serikali ya Mapinduzi ya Zanzibar kwa lengo la kuwatumikia Wananchi wa pande zote mbili za Jamuhuri ya Muungano wa Tanzania.

Kufanya hivyo kutaisaidia Serikali kutatua changamoto zinazowakabili Wananchi hususani Wanawake, Watoto na wenye mahitaji maalum.

Makamu wa Pili wa Rais wa Zanzibar Balozi Seif Ali Iddi alitoa kauli hiyo wakati wa mazugumzo yake na Uongozi wa juu wa Tume ya haki za binaadamu Tanzania ukiongozwa na Mwenyekiti wake Jaji Mstaafu Mathew Pauwa Mhina ulipofika Ofisini kwake Vuga Mjini Zanzibar kujitambulisha Rasmi.

Balozi Seif alisema Tume ya haki za binaadamu ina kazi kubwa katika kutekeleza Majukumu yake  kwa upande wa Zanzibar kutokana na Migogoro na Changamoto nyingi zinazowakabili Wananchi hali inayosababisha mitafaruki na mifarakano miongoni mwa Jamii yenyewe.

Makamu wa Pili wa Rais wa Zanzibar aliueleza Uongozi huo wa Tume ya Haki za Binaadamu kwamba yapo matatizo mengi yanayowakabili Wananchi hasa Wanawake ya kupewa ovyo Talaka na matokeo yake kutelekezwa kunakokwenda sambamba na kuachiliwa Watoto bila ya Huduma.

Katika kuimarisha Utendaji wa Tume ya haki za Binaadamu Makamu wa Pili wa Rais wa Zanzibar aliuomba Uongozi huo kuandaa mpango Maalum wa kujenga majengo ya kudumu ya Ofisi zake Visiwani Zanzibar wakati Serikali ya Mapinduzi ya Zanzibar ipo tayari kutoa maeneo ya Ujenzi huo wakati wowote pale itapohitajika kutekelezwa Mpango huo.

Mapema Mwenyekiti wa Tume ya haki za Binaadamu Tanzania Jaji Mstaafu Mathew Pauwa Mhina alisema Taasisi hiyo ni Chombo cha Umma kilichoundwa kusimamia upatikanaji wa haki za binaadamu ili kusimamia utawala bora hapa Nchini.

Hata hivyo, Jaji Mathew alisema watendaji wa Tume hiyo ni binaadamu wanaoweza kuteleza  katika utekelezaji wa Majukumu yao . Hivyo viongozi Wakuu wanapaswa kushauri pale watendaji hao wanapoteleza katika maeneo yao ya kazi.

Mwenyekiti huyo wa Tume ya haki za Binaadamu Tanzania aliipongeza Serikali ya Mapinduzi ya Zanzibar kwa kazi kubwa na ngumu inayofanya ya kuhudumia Wananchi jambo ambalo Uongozi wa Tume hiyo unaliunga Mkono.

Wajumbe wa Tume ya Haki za Binaadamu Tanzania waliteuliwa na Rais wa Jamuhuri ya Muungano wa Tanzania Dr. John Pombe Magufuli mnamo tarehe 19 Septemba Mwaka 2019.

Serikali ya Mapinduzi ya Zanzibar imemtaka Mkandarasi anaejenga  Mradi wa  Mtaro wa Maji ya Mvua Jangombe Kilimani  kukamilisha Mradi huo ifikapo tarehe 30 ya Mwezi huu

Akizungunmza katika Ziara ya kuangalia Maendeleo ya Ujenzi wa Mtaro huo Waziri wa Fedha na Mipango Mhe. Mohammed Ramia Abdiwawa amesema kukamilika kwa Mtario huo kutasaidia  Maendeleo ya Nchi

Amesema Barabara hiyo ni kiunganishi Kikuu kati Uwanja wa Ndege na Manispaa ya Zanzibar. hasa katika kipindi ambacho kinatarajiwa kufunguliwa kwa shughuli za Utatalii

Kwa upande wake Waziri wa Habari Utalii na Mambo ya Kale Mhe. Mahmoud Thabit Kombo amesema kuendelea kufungwa kwa Barabara hiyo kutaathiri shughuli za Kitalii kutokana na  kuwa na umuhimu kwa maendeleo ya Nchi.

Msimamizi wa Ujenzi huo Mhandisi John Nyakuru  amesema kuchelewa kumalizika kwa Mtaro huo kunatokana na Maumbile Asili ya eneo hilo ambayo yamelazimisha kutumia Utaalamu zaidi ili kufanikisha Mradi huo