Daily Archives: June 3, 2020

UZALISHAJI WA MAZAO YA BAHARI NCHINI WATAKIWA KUFANYIWA MABADILIKO

Naibu Waziri wa Mifugo na Uvuvi Tanzania Mh: Abdallah Ulega Amesema Uzalishaji wa Mazao ya Bahari unahitaji kufanyiwa Mabadiliko makubwa kwa kuwa ndio Nguzo Kuu ya kukuza kipato kwa Wakaazi wa Ukanda wa Bahari ya Tanzania.

Amefahamisha kuwa licha ya Tanzania kuelekea Mpango wa Uvuvi wa Bahari Kuu ipo Miradi midogo ukiwemo wa Ufugaji wa Samaki na Majongoo inanafasi ya kuleta Mageuzi makubwa ya Kiuchumi katika Ukanda huo

Akizungumza katika Kituo cha utotoaji wa Vifaranga vya Samaki, Majongoo na Kaa huko Maruhubi katika Ziara Maalum Zanzibar Mh.Ulega Amesema Mabadiliko hayo yataendana na mikakati ya Serikali zote Mbili za  Tanzania za kufanya Mapinduzi kwa Sekta ya Uvuvi ili kukuza Maendeleo kwa haraka.

Naibu Waziri wa Kilimo, Maliasili na Mifugo, Dk.Makame Ali Ussi, ameeleza kuwa Zanzibar inaendelea na mpango wa Uchumi wa Bahari, kwa kuwa unanafasi kubwa ya kuingiza Mapato ya haraka pamoja na kuwanufaika Wananchi wengi

Katika Ziara hiyo Mh.Ulega ametambelea pia Kituo cha Utafiti wa Mazao ya Baharini ambapo kwa Pamoja alipata maelezo kutoka kwa Watendaji wa Taasisi hizo.

WAFANYAKAZI ZBC WAMETAKIWA KUBADILIKA KATIKA UFANYAJI WA KAZI ZAO

Shirika la Utangazaji Zanzibar ZBC  limekusudia  kufanya mabadiliko   katika   Mfumo wa Uandishi na Utoaji wa Habari ili kuibua Matatizo  yanayowakabili Wanaanchi wa Mjini na Vijijini.

Limesema Mabadiliko hayo yatasadia katika Utoaji wa Habari    ambazo zitaweza kutatua Matatizo yanayoikumba Jamii.

Akifungua  Mafunzo ya Siku Moja   yaliyofanyika Ukumbi wa Karume House Mkurugenzi wa Shirika la Utangazaji Zanzibar ZBC  Nd.Chande Omar Amesema  Waandishi  wa Habari  wanapaswa  kuandika Matukio  Kijamii na kutoa habari zinazowahusu  Wananchi na kuibua Matatizo yaliyoko Vijijini  ambayo yataweza kusaidia   Serikali na kuyatatua kwa urahisi.

Mkufunzi wa Mafunzo hayo Nd. Ali Sultani  Amesema   kwa kuwa Shirika hilo limekuwa likiangaliwa na likisikilizwa na Watu wengi  hivyo linahitaji kufanyiwa maboresho katika Sekta  ya Habari  ili kuwavutia  Watazamaji na Wasiklilizaji.

Baadhi ya Washiriki wa Mafunzo   kutoka ZBC  wameushukuru  Uongozi wa Shirika hilo kwa kuwapatia Mafunzo hayo na kuahidi  kuyafanyia kazi licha ya changamoto zinazowakumba katika utafutaji wao wa Habari.

 Mafunzo hayo  ya Uandishi  wa Habari  yamewashirikisha  Vitengo  vya Radio Spice fm, Mawio, Radio na Televisheni .

SERIKALI IMEWATAKA WAKANDARASI WANAOJENGA BARABARA NCHINI KUMALIZA KWA WAKATI

Serikali ya Mapinduzi Zanzibar imewasisitiza Wakandarasi wanaojenga Barabara mbalimbali Nchini kuhakikisha wanazimaliza kwa wakati ili ziweze kutumika na Wananchi.

Akitembelea Barabara zilizojengwa na Kampuni za  Ccecc na Mecco hapa Zanzibar  Naibu Waziri wa Ujenzi, Mawasiliano na Usafirishaji Mh.Mohamed Ahmada Salum  Amesema wapo baadhi Wakandarasi waliopewa Mikataba wanachukuwa muda mrefu kumaliza Ujenzi Barabara hizo  hali  inayosababisha usumbufu  na hasara kubwa kwa Serikali na Wananchi.

Amesema Serikali imekuwa inatumia fedha nyingi katika Ujenzi wa Barabara hizo hivyo ni vyema kuhakikisha wanakwenda sambamba na mikataba yao ili Wananchi waweze kuitumia Miundo Mbinu hiyo kwa urahisi .

Msimamizi wa Mradi wa Barabara   zinazojengwa na Kampuni ya Ccecc  ya China Nd.Nikodemas Sikambale  Amesema   Ujenzi wa Barabara hizo unatarajiwa kumaliza Mwisho wa Mwezi wa Julai Mwaka huu.

Akizungumzia Ujenzi wa Barabara ya Fuoni -Kibonde Mzungu hadi Jumbi Sokoni Mhandishi kutoka Idara ya Ujenzi na Utunzaji Barabara Uub Nd.Faudhia Sinde Hassan .Amesema Barabara hiyo imegharimu Jumla ya Shilingi Bilioni mbili Nukta Nne.

Baadhi ya Wananchi wanaotumia Barabara hizo wameelezea kufarijika na hatua zinazochukuliwa na Serikali katika Ujenzi wa Barabara hizo kwani itawasidia katika kukuza Maendeleo ya Nchi

error: Content is protected !!