Monthly Archives: May 2020

Rais wa Jamhuri ya Muungano wa Tanzania, Mhe. Dkt. John Pombe Magufuli, amesema Serikali itaendelea kuliunga mkono Jeshi la Ulinzi la Wananchi Tanzania (JWTZ) na Jeshi la Kujenga Taifa (JKT) kwa kutekeleza Majukumu ya Kitafa ikiwemo Ujenzi na Uzalishaji Mali.

Mhe. Rais Magufuli ameeleza kuwa Serikali imeamua kutekeleza Azimio la kuhamia Dodoma ambapo tayari Wizara zote, Watumishi, Viongozi Wakuu akiwemo yeye Mwenyewe tayari ameshahamia na Jeshi hilo limefanya kazi kubwa kufanikisha Ujenzi huo.

Akizungumza katika Sherehe za Uwekaji Jiwe la Msingi la Ujenzi wa Ofisi Kuu za Ikulu Dodoma ameipongeza Wakala wa Majengo ya Serikali (TBA) ambayo ni Mkandarasi Mshauri wa Mradi huo na kumuagiza Waziri wa Fedha Dkt. Philip mpango kutoa shilingi Bilioni 2 ili Jeshi hilo likamilishe Ujenzi huo kwa muda wa  miezi 5 walioahidi.

Rais Pombe Magufuli, ameweka jiwe hilo la msingi kwa kushirkiana na Mjane wa Baba wa Taifa Mama Maria Nyerere, Marais Wastaafu   Mhe. Ali Hassan Mwinyi, Mhe. Benjamin William Mkapa na   Mhe. Dkt. Jakaya Mrisho Kikwete

Majengo 6 ya Ofisi za Ikulu Dodom yanajengwa na Jeshi la Kujenga Taifa (JKT) katika eneo la Vikonje Jijini Dodoma yanayotarajiwa kukamilika katika kipindi cha miezi 5 ijayo ambapo tayari baadhi ya majengo mengine ikiwemo Nyumba ya Makazi ya Rais, Ofisi mbalimbali na ukuta wenye urefu wa kilometa 27 yamekamilika.

Hifadhi ya Taifa ya Jozani imeweza kutambulika Kimataifa kuwa miongoni mwa Hifadhi hai Duniani kupitia Shirika la Elimu Sayansi na Utamaduni UNESCO.

Akitoa Utambulisho wa Hifadhi hiyo kutoka kwa Shirika Hilo pamoja na kuwakabidhi Vyeti vya Uhitimu wa Mafunzo ya Urushaji wa Ndege isiyo na Rubani  Waziri wa Kilimo Maliasili Mifugo na Uvuvi Mh. Mmanga Mjengo Mjawiri amesema hadhi hiyo Ni kutokana na kutimiza vigezo vya Ulinzi wa Rasilimali za Misitu huo ambao umezungukwa na Vijiji 9.

Amewataka Wanavijiji  Wadau wa Utalii na Watendaji wa Idara ya Misitu kuendelea kuutunza Msitu huo kwa pamoja ili uendelee kuleta faida kwa Jamii na Taifa kwa ujumla.

Amefahamisha kuwa Serikali itaendelea Kushirikiana na Wanajamii katika kulinda hadhi na mafanikio ya Msitu huo ambao umepewa Hadhi na Duniani.

Mkurugenzi Idara ya Misitu na Maliasili zisizorejesheka Nd. Soud Mohammed Juma katika Hifadhi hiyo Idadi ya Watalii umeongezeka kutoka elfu hamsini mwaka 2016 Hadi kufika elfu sitini na tisa mwaka 2019.

Mkuu wa Kitengo ChaUhifadhi wa Misitu kutoka Idara ya Misitu na Maliasili zisizo rejesheka nd. Ali Ali Mwinyi amesema Hifadhi hiyo imepata Heshima hiyo kutokana na kuwepo kwa Viumbe Hai Adimu Duniani pamoja na kuwepo kwa shughuli za Kibinaadam ndani ya Msitu huo Bila ya kuwaathiri viumbe hai vilivyomo ndani ya Msitu.

Kikosi cha KMKM Kamandi ya Mkoa wa Kusini Unguja kimewakamata Watu 3 waliokuwa Wakisafirisha Sukari kwa Njia ya Magendo ikitokea Zanzibar kuelekea Bagamoyo Mkoa Pwani.

Mkuu wa Operation wa KMKM  Kambi ya Unguja Ukuu  Luteni Kheir Ahmada Mwawalo amewataja Watu  waliokutwa na Guinia 45 za  Sukari ni Takdir Abdallah  Mwenye Umri Miaka 32 , Sheha Miraji Makungu 25 na  Ibrahim Mzee Hassan 37.

Amesema kitendo kilichofanywa na Watu hao ni kinyume na Sheria na kuwasihi Wananchi kuacha kusafirisha bidhaa kwa njia zisizokuwa  rasmi kwani zinaathiri Uchumi wa Nchi.

Mkuu wa Wilaya ya Kati Bi Hamida Mussa  Khamis amepongeza Kikosi cha KMKM   kwa kazi hiyo na kuwataka kuendeleza Doria ili kuzuia kuendelea kusafirishwa Nje ya Zanzibar bidhaa mbali mbali kwa njia  za Magendo .

Tume ya Uchaguzi Zanzibar ZEC  inatarajiwa kuanza   kazi za Uandikishaji Wapiga Kura pamoja na uhakiki katika Daftari la Kudumu la Wapiga Kura  katika Mkoa wa Kaskazini Pemba baada ya kukamilisha matayarisho ya Kazi hiyo.

Akizungumza na Wakuu wa Vituo pamoja na Makarani wa Uwandikishaji Wapiga Kura, Mratibu wa shughuli za Uchaguzi Pemba Nd.Hafidh Ali Moh’d amewataka watendaji hao kufuata Sheria na utaratibu uliowekwa ili kufanya kazi hiyo kwa ufanisi zaidi.

Mratibu  huyo Ameyasema hayo huko Skuli ya  Sekondari Madungu Chake Chake wakati akizungumza  na Watendaji hao na kuwataka kuwa makini zaidi katika kazi hiyo ili zoezi hilo liende kama lilivyokusudiwa.

Naye Mkurugenzi wa Huduma za Uchaguzi Zanzibar Nd.I drisa Haji Jecha Amesema hii ni Awamu ya Pili ya zoezi hili hivyo ni vyema kuhakikisha kila mwenye sifa anaandikishwa kwa hali yoyoyte ile ili kila Mmoja aweze kupata hakiyake ya kupiga kura.

Akizungumza na Watendaji hao Mkurugenzi  Mkuu  wa mifumo ya Uchaguzi Mwanakombo  Machano Abuu  awamewaasa Watendaji hao  juu ya Matumizi ya Mashine za Vrd katika kipindi hiki cha Mripuko wa Maradhi ya Corona, kuwa na tadhari zaidi hasa kwa vile kutakuwa na ulazima wa kunawa Mikono ili kujikinga na Maambukizi  hayo.