Daily Archives: March 25, 2020

BALOZI RAMIA AWATAKA WAKANDARASI KUMALIZA MIRADI KWA MUDA ULOPANGWA

Waziri wa Fedha na Mipango Balozi Mohamed Ramia Abdiwawa  Serikali itahakikisha inasimamia miradi ilioanzishwa ili kumalizika kwa wakati licha ya changamoto mbali mbali ikiwemo Mripuko wa Maradhi ya Corona.

Akizungumza katika Ziara ya kukagua Miradi ya Ujenzi wa Nyumba za Makaazi Kwahani na Ujenzi wa Jengo la Mahakama Kuu Tunguu, amesema kuwepo kwa Maradhi hayo sio kikwazo cha kusimamisha Miradi ya Maendeleo na kuwataka wasimamizi waendelee na kazi zao.

Balozi amefahamisha kuwa Serikali inaendelea kufanya Tathmini ya kina ili kujua kwa kiasi gani imeathirika kiuchumia katika Sekta zake kutokana na Ugonjwa huo.

Mshauri Mwelekezi  wa Kampuni ya Arges Africa, Adrian Eradius na Mhandisi Emanuel Mushi wamesema kwa sasa Ujenzi huo Unaendelea vizuri kutokana na kuwepo vifaa vyote na wanatarajia kukamilisha Mradi huo kwa wakati waliokubaliana.

Ujenzi wa Nyumba za Makaazi za Kisasa zilizopo Kwahani umeanza Octoba 2 Mwaka jana na Unatarajiwa kumalizika Septemba Mwaka huu ambapo Ujenzi wa jengo la Mahkama Kuu Tunguu uatarajiwa kumalizika Octoba.

JUMLA YA MADAWATI 4,545 YANATARAJIWA KUGAIWA KWA SKULI ZA UNGUJA NA PEMBA

Kamati  ya Kitaifa  ya  Madawati  Zanzibar inatarajia kugawa Madawati  4,545  kwa Skuli za Msingi  za Unguja na Pemba kwa awamu ya kwanza ili kupunguza uhaba wa Madawati  kwa Wanafunzi .

Akiyakagua Madawati hayo ikiwa ni mchango wa Wadau mbali mbali Mwenyekiti wa Kamti hiyo Mh Haroun Ali Suleiman amesema  hatua hiyo ni miongoni mwa Juhudi za Rais wa Zanzibar na Mwenyekiti wa Baraza la Mapinduzi Dk Ali Mohammed Shein za kuhakikisha tatizo la uhaba wa Madawati  kwa Wanafunzi  linamalizika.

Mh Haroun amezitaka  Skuli zitazobahatika kupata Madawati hayo kundaa Kamati za kusimamia  utunzaji  ili yaweze kudumu kwa muda mrefu .

Mkurugenzi Idara ya Sera na Mipango kutoka Wizara ya Elimu na Mafuzo ya Amali Nd .Khalid Masoud Waziri amesema Madawati hayo ya Awamu ya Kwanza yameletwa Kontena tisa ambapo Awamu ya Pili yanatarajiwa kuletwa Kontena kumi na tatu na yalitarajiwa kufika hivi karibuni lakini yamechelewa kutokana na Mripuko wa Janga la maradhi ya Korona iliyoikumba Dunia .

Naibu Waziri wa Elimu na Mafunzo ya Amali Mh Simai Mohammed Said ameielezea kazi  inayofanywa na Kamati  hiyo  kuwa  ya Kizalendo  na imefanywa  kwa  wakati  muafaka  hatua  itakayochamgia  kasi  ya  ukuaji  wa  Sekta  ya  Elimu.

 

error: Content is protected !!