Monthly Archives: October 2019

WANANCHI WAMETAKIWA KUTOA MASHIRIKIANO KATIKA KUENDELEZA JUHUDI ZA KULETA MAENDELEO NCHINI

Wananchi wametakiwa kutoa mashirikiano ya kutosha   katika kuendeleza juhudi za kuleta maendeleo nchini. Akizungumza  na ZBC  Waziri wa ardhi nyumba maji na nishati Mh Salama Aboud Twalib wakati alipofanya ziara ya kushtukiza katika ujenzi mpya wa  nyumba ya mfuko wa barabara{ ZURA},kituo cha kupokelea  umeme  mtoni  pamoja na madema ambako kumehifadhiwa vifaa vya kusambazia maji ya ZAWA,amesema kuwa mashirikiano ya wananchi na utendaji mzuri wa  wasimamizi wa sehemu hizo kutasababisha kufikiwa malengo yaliokusudiwa.

Nae Mkurugenzi Mkuu wa  ZURA  Haji Kali Haji amesema kuwa  ujenzi huo uanotarajiwa kumaliza mwaka huu disemba utagharimu kiasi cha shilingi bilioni 19.9 za Kitanzania hata hivyo miongoni  mwa faida zilizopatikana kipindi cha ujenzi ni upatikanaji wa  ajira kwa vijana   katika kuendeleza ujenzi huo. Kwaupande wa kituo cha  kupokelea umeme  waziri huyo ametoa wito kwa watendaji  kufanya   kazi kufanya kazi kwa bidii ili kuendelea kutoa huduma nzuri kwa jamii.

 

TIMU YA SKULI YA SOS IMETWAA KOMBE TUMBATU WALIBEBA KOMBE LA MCHEZO WA NAGE

Timu ya skuli ya sos imetwaa kombe la bonaza la michezo la kuibua vipaji na kuimarisha mashirikiano na jamii viliopo jirani na kijiji hicho baada ya kushinda kwa penant 7 – 6 timu ya skuli ya tumbatu jongowe .
Katika mchezo huo uliochezwa kwenye kiwanja cha sos mombasa hadi dakika 90 za kawaida zinamalizika timu hizo zilikuwa nguvu sawa baada ya kushindwa kutambiana.
Ushindi wa sos ulipatikana baada ya mchezaji wa jongowe shuti lake kugonga mwamba wa pembeni na mpira kurudi uwanjani.
Katika bonaza hilo tumbatu walibeba kombe la ubingwa katika mchezo wa nage kwa kushinda chupa 7 – 3 dhidi ya sos.
Keptain wa timu hizo alisema mchezo ulikuwa mzuri…

Mchezo ya awali ilikuwa sos valicheza na kisauni katika mchezo wa nusu fainali na tumbatu jongowe walikipiga na sos villeg.
Michezo mingine iliyokuwa kivutio kiwanjani hapo ilikuwa ni riadha wadogo na wakubwa.
Akizungumzia michezo hiyo kwa niaba ya uongozi wa kijiji cha sos mratibu wa malezi mbadala nyezuma simai amesema michezo hiyo imebeba ujumbe wa mlindemtotona umpatie fursa sawa za elimu unaolenga mashirikiano.
Katibu mtendaji wa baraza la vijana khamis faraji mgeni rasmi katika bonaza hilo amesisitiza umuhimu wa michezo na fursa kwa vijana ambao wanahitaji kuandaliwa mapena na vipaji vikaendelezwa.

MAAFISA WENYE DHAMANA YA KUSIMAMIA MANUNUZI WAMETAKIWA KUUSIMAMIA SHUGHULI ZAO KWA KUZINGATIA SHERIA

Maafisa wenye dhamana ya kusimamia manunuzi wametakiwa kuusimamia shughuli zao kwa kuzingatia sheria na maadili ya kazi ili kuhakikisha fedha za serikali zinatumika kama ilivyokusudiwa.
Hayo yamesemwa na katibu Tawala Mkoa wa Kusini Pemba Abdallah Rashid Abdallah kwa niaba ya mkuu wa mkoa huo, katika mafunzo ya sheria ya ununuzi na uondoaji wa mali za umma, sheria namba 11 ya mwaka 2016, kwa Maafisa masuuli na madiwani kisiwani pemba.
Akiwasilisha mada ya sheria hiyo, mkufunzi kutoka mamlaka ya Ununuzi na uondoshaji wa Mali za Umma, mohamed khamis said amesema maafisa wanapaswa kufanya manunuzi kutoka kampuni zilizosajiliwa na mamlaka yenye dhamana, ili kuepusha matatizo yasiyo ya lazima
Nao washiriki wa mafunzo hayo wameiomba mamlaka hiyo kuimarisha mashirikiano baina ya maafisa manunuzi na maafisa mipango katika taasisi za serikali ili kuleta ufanisi katika utendaji wao.