Daily Archives: September 11, 2019

WALIMU WA MADRASA ZA QUR-AN WAMETAKIWA KUPAMBANA NA MPOROMOKO WA MAADILI

Walimu wa madrasa za Qur-an  kisiwani Pemba wametakiwa kupambana na suala zima la mporomoko wa maadili kwa watoto  ili kuwaepusha na vitendo vya udhalilishaji  kwa ajili ya kuwa na jamii iliyobora.

Ushauri  huo  umetolewa na  Afisa mdhamini wizara ya katiba na Sheria  Nd. Mattar Zahor Massoud wakati akifunguwa mafunzo  kwa walimu wa madrsa  za Qurani  juu ya mbinu bora za kujenga  nidhamu  za wanafunzi ,yaliyoandaliwa na ofisi  ya mufti  huko katika ukumbi  wa ofisi hiyo gombani.

Nae Naibu mufti Zanzibar Shekh Mahmoud Mussa Wadi amewataka walimu  hao katika kutekeleza  majukumu yao kuzingatia  misingi mitatu mikuu ili kuwajenga watoto katika misingi hiyo ikiwemo iimani,kukuza ufahamu  na kuwaelimisha watoto juu  ya makuzi ya mwili kwa mujibu wa umri,elimu na ufahamu wao.

Akitowa  mada  katika mafunzo hayo Shekh Said Khalfan amesema ili malengo ya kuwajenga watoto  katika mwenendo  na tabiia  njema  yaweze kufikiwa  ni lazima pawepo na mashirikiano kati  ya wazazi na walimu.

Katika mafunzo hayo ya siku nne  yaliwashirikisha jumla ya walimu 42 wa madrasa za qurani  kutoka wilaya zote za pemba ikiwa lengo ni kuwawezesha walimu wa mdrasa kufanya shughuli zao kitaalamu

VIJANA WA JESHI LA KUJENGA TAIFA JKT WALIOJITOLEA KURIPOTI KATIKA KAMBI YA JKT MGULANI

Jeshi la wananchi wa Tanzania JWTZ limewataka vijana wa jeshi la kujenga taifa JKT waliojitolea katika operesheni ya ujenzi wa ukuta unaozunguka eneo la mgodi wa madini ya Tanzanite mererani kuripoti katika kambi ya jkt mgulani ili kukamilisha taratibu za ajira.

Mkuu wa majeshi ya ulinzi na usalama Jenerali Venance Mabeho amezungumza na waandishi wa habari ngome jijini Dar-es-salaam na kusema hatua hiyo ya kuwaajiri vijana hao ni utekelezaji wa ahadi ya amiri jeshi mkuu na Rais wa jamhuri ya muungano wa Tanzania Mhe Dkt John Pombe Magufuli aliyoitoa tarehe 12 mwezi septemba 2017 wakati akizindua ukuta  huo wa wamererani arusha.

Jenerali Mabeho amesema chini ya usimamizi wa timu ya waandisi ujenzi kutoka JWTZ vijana hao waliweza kukamilisha kazi ya ujenzi wa ukuta katika eneo la mgodi ikiwa ni utekelezaji wa agizo la Rais Magufuli alilolitoa tarehe 6 april 2018 wakati akizindua barabara ya kia lakini baadhi yao bado hawakuajiliwa.

Jenerali Mabeho ameukumbusha watanzania kuwa madhumuni ya kuwaandikisha vijana JKT  ni kuwafundisha uzalendo na kuwajengea uwezo wa stadi za kazi ili waweze kujitegemea tofauti na dhana iliyojengeka sasa kuwa lengo la mafunzo hayo ni kuwapatia ajira.                               .                                                         .

Aidha Jenerali Mabeho amesema Rais Magufuli amefanya mabadiliko kidogo ya uongozi ambapo amemteua brigedia Jenerali Charles mbunge kuwa mkuuu wa JKT na kumteua meja Jenerali Martine Busungu kuwa mkuu wa tawi la jeshi la akiba