Category Archives: Biashara

habari za biashara

UMEFIKA WAKATI KWA VIJANA KUJIKITA ZAIDI KATIKA SHUGHULI ZA UJASIRIAMALI

Umefika wakati kwa vijana kujikita zaidi katika shughuli za ujasiriamali ili kuweza kutimiza malengo yao ikiwa pamoja na kujikimu kimaisha na kuachana na utegemezi wa ajira kutoka serikali kuu.

Akitoa taaluma kwa vijana wa magharibi A muwezeshaji kutoka ofisi ya Rais tawala za mikoa na idara maalum za SMZ Bi ZAINAB kibwana ili kuweza kuzitumia fursa zilizopo ndani ya shehia zao kupitia dhana nzima ya ugatuzi katik kuangalia bajet ya maendeleo za manispaa kwa ajili ya kuwawezesha wakaazi wake kiuchumi.

Amesisitiza vijana kuzitambua nafasi zao ktk halmashauri zao ili kuweza kuzitumia vyema asilimia 5 za ruzuku zinazotolewa kwa vikundi vya ushirika ili kuwa na vyanzo vya mitaji itayowatoa ktk utegemezi.

Nao vijana hao wameiomba serikali kupitia wizara kilimo na idara uwezeshaji kuwapatia taaluma zaidi ya shughuli zao za mikono ili kuweza  kuwapatia tija na kuepukana na malalamiko ya ukosefu wa ajira.

Mratibu wa mradi huo wa uibuaji wa fursa za maendeleo kwa vijana nd Mbarouk Said amesema lengo la mradi huo ni kuwawezesha vijana kuzitambua fursa zilizopo ikiwa pamoja na kujua bajet iliopo ktk manispaa zao zinawasaidiaje ktk kuwajengea uwezo wa kujiajiri wenyewe.

AIRTEL TANZANIA YATOA BILIONI 2.5 KWA WATEJA NA MAWAKALA WANAOTOA HUDUMA YA AIRTEL MONEY

Kampuni ya simu ya mkononi ya airtel tanzania imetangaza gawio la shilingi bilioni 2.5 kwa wateja na mawakala wanaotoa huduma ya airtel money baada ya kupata kibali kutoka benki kuu ya Tanzania (BOT).

Akizungumza na waandishi wa habari jijini Dar es salaam mkurugenzi wa Airtel money Isack Nchumba amesema gawio hilo linawahusu wateja wa mtandao huo waliotumia huduma ya airtel money kwa kipindi cha miezi kumi na mbili iliyopita.

Kwa upande wake afisa habari wa kampuni hiyo jackson mbando amesema kuendana na kasi ya ukuaji wa huduma ya airtel money wamejiunga na huduma e-government ambapo wateja wake wanaweza kufanya malipo mbalimbali.

Tangu mwaka 2015 mpaka sasa kampuni hiyo imetoa kiasi cha shilingi bilioni 19 kama faida kwa wateja na mawakala wa mtandao huo Nchini

WENYE VITUO VYA KUHIFADHIA MITUNGI YA GESI WATAKIWA KUFUATA TARATIBU ZA USALAMA

Naibu mkurugenzi wa kamisheni ya kukabiliana na maafa Zanzibar Nd: muhidini ali muhidini amewataka wenye vituo vya kuhifadhia mitungi ya gesi na maduka ya kuuzia gesi kufuata taratibu za kuweka vifaa vya usalama katika maduka yao ili kuepuka maafa.

Akizungumza mara baada ya kukagua vituo vya kuhifadhia mitungi ya gesi vya kisiwandui na mtoni mkurugenzi huyo amesema ni vyema wenye vituo vya kuhifadhia mitungi ya gesi kuzingatia usalama wao na wateja kwa ujumla ili kunusuru maafa kutokea.

Taifa ges Tanzania limited na ges energe ambao walitembelewa na kamisheni hiyo wamehaidi kuyatekeleza kwa kurekebisha mapungufu yote yaliyokuwemo kwenye vituo hivyo.

Ukaguzi huo utaendelea kufanywa na kamisheni hiyo katika maeneo mbalimbali hapa zanzibar ili wananchi waweze kuelewa na kuweza kuepuka na maafa ambayo yanaweza kuepukika.

WAFADHILI WANAOTOA MISAADA WATAKIWA KUHAKIKISHA CHAKULA WANACHOTOA BADO HAKIJAMALIZA MUDA WAKE

Mkuu wa wilaya ya kaskazini B Rajab Ali Rajab amewataka wafadhili wanaotoa misaada ya chakula katika kipindi cha mwezi mtukufu  wa Ramadhani kuhakikisha chakula wanachotoa bado hakijamaliza muda wake kwa matumizi ya binadamu.

Amesema katika kipindi hiki misaada mingi ya chakula hutolewa kwa wananchi hasa wa vijijini lakini baadhi ya vyakula hivyo huwa tayari vimemaliza muda wake na kupelekea wasiwasi wa usalama wa afya kwa mlaji

Kauli hiyo ameitowa wakati wa majumuisho ya ziara yake katika maeneo ya donge na mahonda kwa wafanya biashara wa maduka ya vyakula ,wauza samaki pamoja na biashara za ndizi, mashelisheli pamoja na nazi akiwa na lengo la kutaka kujua hali halisi ya bei ya vyakula katika mwezi wa ramadhani

Amesema ili kukabiliana na tatizo la utoaji wa vyakula vilivyomaliza muda wake serikali ya wilaya kwa kushirikiana na masheha watahakikisha wanahakiki vyakula hivyo kabla ya kutolewa kwa wanachi ili kuikinga jamii na magonjwa mabalimbali

Aidha Nd:Rajab amewataka wafanya biashara kujiepusha na tabia ya kupandisha bei ya vaykula katika kipindi hiki ili kutoa fursa kwa waumini wa dini ya kiislam kutekeleza ibada ya funga bila ya kipingamizi cha upatikanaji wa futari pamoja na kujiepusha kuuza vyakula ambavyo bado ni vichanga .

Hata hivyo ametangaza kufunga kwa baa pamoja na magenge yote ya vyakula na kuwataka waumini wa dini nyengine kuuheshimu mwezi huu kwa kujiepusha kula ovyo mitaani.

Baadhi ya wafanya biashara wamemuahidi mkuu huyo wa wilaya kuwa makini na bei ya vyakula ingawa kuna baadhi ya vyakula hupatikana kwa bei ya juu hali inayosababisha na wao kuongeza bei ya mauzo